SA JA: Politikarane i landbruk/teknisk er positive til at eigar av hytta til venstre i biletet frå riva hytta og byggja ny på same staden.
SA JA: Politikarane i landbruk/teknisk er positive til at eigar av hytta til venstre i biletet frå riva hytta og byggja ny på same staden.

– Her har Fylkesmannen skote over mål

Utvalsleiar Egil Berge (H) var klar i uttalen då politikarane i landbruk/teknisk handsama søknaden om riving og bygging av ny hytte i Nyborg.
Publisert 11.02.2019 kl. 12.29.

– Her har Fylkesmannen skote over mål når han har omtalt denne saka, kommenterte Berge.

– Det virkar som dei ikkje har fått med seg at dette er erstatning for ei eksisterande hytte, la Berge til.


Var positive før jul

Det er Trond Rydland som har søkt om løyve til å riva ei gamal hytte og byggja ny på same tomta på gnr. 157, bnr. 10 på Nyborg på Onarheim.

Søknaden frå Rydland vart fyrste gong handsama på landbruk/teknisk-møtet 4. desember. Då var politikarane positive. I vedtaket den gongen heitte det at omsøkt eigedom er bebygd med fritidshus, og at nytt tiltak vil ikkje endra dagens bruk. Vidare vart det presisert at tiltaket ikkje ville medføra ytterlegare privatisering av strandsona. Omsøkt eigedom ligg på oppsida av fylkesvegen i forhold til strandlinja.

Vedtaket frå 4. desembert vart sendt til uttale til vegvesenet, Fylkesmannen og fylkeskommunen. Vegvesenet har gjeve dispensasjon på vilkår, fylkeskommunen har ikkje kome med merknad, men det har derimot Fylkesmannen.


Ikkje samde

Fylkesmannen skriv 14. desember at ein vil rå frå ein dispensasjon som ikkje er i samsvar med overordna plan.

– I denne saka vurderer me at tiltaket er av eit så stort omfang at det kan gje ei negativ og dominerande effekt på landskapet i strandsona. Ut ifrå flyfoto som ligg ved oversendingsbrevet ser det ut til at det allereie er påbegynt eller utført fleire tiltak i området, heiter det i uttalen.

Fylkesmannen rår til at dei framtidige utbyggingsbehova vert vurderte og avgrensa opp mot mellom anna strandsone og landskapsinteressene i ein felles planprosess, i staden for å løysa dei einskilde sakene som dispensasjonssaker.

Administrasjonen på teknisk etat i Tysnes er ikkje samd med Fylkesmannen. I saksutgreiinga til møtet sist veke skriv administrasjonen at dei ikkje er samd i at tiltaket er av eit så vidt stort omfang at det kan gje ei negativ og dominerande effekt på landskapet i strandsona.

– Omsøkt eigedom er allereie privatisert ved eksisterande fritidsbustad, og omsøkt tiltak vil ikkje endra dagens bruk. Strandsona vert ikkje berørt av omsøkt tiltak då fylkesvegen ligg mellom denne og omsøkt eigedom, heiter det i saksutgreiinga.


Positiv tilråding

Rådmannen hadde i si tilråding til politikarane følgt opp meiningsytringa frå administrasjonen. Rådmannen tilrådde at søknaden blei godkjent, og at Trond Rydland får løyve til å riva gamal hytte og byggja ny på gnr. 157, bnr. 10 i Nyborg på Onarheim.

Det gjekk også politikarane i landbruk/teknisk samrøystes inn for.

Kopi av vedtaket vil bli sendt til Fylkesmannen og fylkeskommunen for klagevurdering.


OVERSIKTSKART: Både gamal hytte som skal rivast og søknad om ny hytte ligg innanfor tomtegrensene som er markert med raudt felt. Fylkesvegen, som ligg mellom tomta og sjøen, er markert med grått.
OVERSIKTSKART: Både gamal hytte som skal rivast og søknad om ny hytte ligg innanfor tomtegrensene som er markert med raudt felt. Fylkesvegen, som ligg mellom tomta og sjøen, er markert med grått.

Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...