VARME PLAGG: «Viljen til å hjelpa er sterk i tysnessamfunnet», skriv leiar i Frivilligsentralen, Per Verner Aase.
VARME PLAGG: «Viljen til å hjelpa er sterk i tysnessamfunnet», skriv leiar i Frivilligsentralen, Per Verner Aase.

Lesarbrev: Takk til alle som strikka varme plagg i førjulsstria

Publisert 17.02.2019 kl. 10.00.

Ynsket om å få inn heimestrikka gåver starta med oppdaginga av at nokon av flyktningeborna gjekk utan sokkar i støvlane. Dette er noko som me «innfødde» har ryggmargsrefleks på, medan våre nye naboar ikkje er vane med dette. Bygdekvinnene, sokneråd, foreiningar og private sette i gang med strikking, og resultata let ikkje venta på seg.

Frivilligsentralen fekk samla inn rundt 100 heimestrikka sokkar, vottar og huer før jul. Når ein tenkjer at det bak kvar gåve ligg mange dagar og veker med arbeid, seier det seg sjølv at viljen til å hjelpa er sterk i tysnessamfunnet. Tidlegare i haust vart det strikka oransje sjal som Kirkens Bymisjon tok initiativet til. Også her vart ei mengde sjal levert ut.

Alle gåvene er delt ut med god hjelp frå flyktningekoordinatorane, barnevern og ved at flyktningar kom innom på kontoret til Frivilligsentralen. Skulle du treffa på nokon som går med ei hue eller sjal som du kjenner igjen, kan du trygt gje ditt breiaste smil.

På språkkaféen som vert arrangert på aktivitetssenteret annankvar fredag, møtest frivillige og innvandrarar saman med flyktningekoordinatorane. Her går strikkepinnane fortare enn praten.


Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...