PÅ FLESLAND: Nyleg fekk Synne bli nærare kjent med yrket ho vurderer i framtida. (Foto: Calle Harbitz-Rasmussen)
PÅ FLESLAND: Nyleg fekk Synne bli nærare kjent med yrket ho vurderer i framtida. (Foto: Calle Harbitz-Rasmussen)

Vil bli pilot – fekk omvising på Flesland

Synne Malkenes har eit noko uvanleg jobbønske for framtida. Ho vurderer å bli pilot.
Publisert 17.02.2019 kl. 06.00.

– Så, du vil bli pilot?

– Kanskje, svarer Synne Malkenes, med eit sjenert smil om munnen.

16-åringen er ikkje bombesikker på kva ho vil bli, men pilot-yrket har vore i tankane hennar ei stund.

– Det verkar veldig interessant, og du får oppleva mykje mens du jobbar. Eg har tenkt på dette ei stund, kanskje eit par år, seier ho.


Fekk møta ein pilot

For eit par veker sidan fekk den unge pilot-aspiranten sjansen til å læra meir om det som kanskje skal bli yrket sitt i framtida.

– Eg var og intervcjua ein pilot som heiter Calle (Harbitz-Rasmussen, journ.merk). Det var veldig spennande, og eg fekk møta folk med ulike yrke på flyplassen, seier ho, om Flesland-turen i januar.

Ho fekk òg vera med ein tur i flykabinen. Det var opphaveleg lagt opp til ein flytur til Oslo òg, men det snødde for mykje ute den dagen.

– Er du sikrare på at du vil bli pilot no?

– På ein måte, men eg er framleis usikker, svarer Synne.


Skulegang i Tromsø

Viss ho skal gjera alvor av pilotdraumen, kjem ho nok til å måtta flytta eit stykke unna.

– Eg må gå på Universitetet i Tromsø, fortel Synne.

Ifølgje ho er nemleg UiT den einaste plassen ein kan ta offentleg finansiert pilotutdanning, med mindre ein tar utdanninga gjennom Forsvaret.

– Det verkar veldig krevande, legg ho til.


To vgs-alternativ

– Eg har søkt på studiespesialisering på Framnes vidaregåande skule, og på TAF marin i Fusa, seier Synne.

Fordi Framnes er ein privatskule, kan Synne ha både Framnes og Fusa Vgs som førsteval i søknadsprosessen.

– Kva har du mest lyst til?

– Det er det eg ikkje veit. Den marine utdanninga hadde jo òg vore spennande, seier ho.


Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...