GODE HALDNINGAR: – Det er ikkje så viktig å scora. Det viktigaste er å ha det gøy, seier unge Elina Sjøbø.
GODE HALDNINGAR: – Det er ikkje så viktig å scora. Det viktigaste er å ha det gøy, seier unge Elina Sjøbø.

Stor idrett frå små utøvarar

I helga var det dei yngste handballspelarane sin tur til å skina i Tysneshallen.
Publisert 20.02.2019 kl. 17.00.

– Det er veldig kjekt å spela handball, men litt slitsamt også, seier Jessica Teigland Iversen.

Saman med lagvenninene og klassekameratane Elina Sjøbø og Jenny Teigland Tveit, har ho pause før den siste kampen for dagen. Då skal laget deira, Tysnes 3, møta Fitjar 3. Dei har allereie spelt ein kamp denne laurdagen, og jentene meiner at det gjekk ganske bra, sjølv om det ikkje vert ført resultat på Jenter 8-kampane.

– Det er ikkje så viktig å scora. Det viktigaste er å ha det gøy, seier Elina.


Turnering

Laurdag var Tysneshallen fylt opp av unge handballspelarar og tilskodarar frå heile Sunnhordland. Åtteåringane samlast til turnering kring ein gong i månaden, og denne gongen fekk Tysnes-jentene spela på heimebane, etter å ha vore både til Husnes og Fitjar tidlegare i sesongen.

– Me stiller med heile fire lag. Tre med jenter fødd i 2010, og eitt lag med jenter fødd i 2011, fortel Yvonne Flatråker, som saman med Rita Teigland er trenar for Jenter 8.

Til saman var det 18 lag samla laurdag. I tillegg til fire Tysnes-lag, stilte Stord med heile sju lag, og det var fleire lag frå både Fitjar og Kvinnherad. Kvart lag speler to kampar i løpet av dagen.


Trivst med handball

Jessica, Eline og Jenny har spelt handball sidan dei var seks år gamle, og har ingen planar om å slutta.

Jessica hugsar godt kvifor ho byrja.

– Handball såg gøy ut, og det var gøy, så eg fortsette å spela, fortel ho.

Dei spelar fire mot fire på liten bane. I angrep er alle fire med, men i forsvarsspelet må ein stå i mål, noko som ikkje treng å vera kjedeleg.

– Viss du er ordentleg god, så klarar du å ta ballen med ein gong, forklarar Jenny.

Både ho og Elina trivst med å stå i mål, medan Jessica fortel at ho er best som utespelar.


Nøgde vaksne

Både spelarar, trenarar og publikum var godt nøgde med turneringa i Tysneshallen, og all idrettsgleda som vart vist av dei unge handballspelarane.

– Dette er heilt fantastisk. Det er utruleg kjekt å sjå så mange unge og håpefulle spelarar som kosar seg med handballen, fortel Terje Sløgedal, som sit i styret til Tysnes IL.

Turneringa viste også at det er stor interesse for handball blant dei yngste skuleelevane.

– I årskullet som eg er med og trener, er me 15 spelarar med i dag, seier Flatråker, som også fortel at dei har med jenter heilt frå Hatlestrand, som ikkje har handball-tilbod der.

Også Sløgedal gler seg over rekrutteringa.

– Det er veldig kjekt at det spirer og gror. Det einaste som manglar er me får med fleire gutar også, seier han.



HEIMOVER: Etter å ha avslutta angrepa, var Tysnes-jentene flinke til å springa heimover.
HEIMOVER: Etter å ha avslutta angrepa, var Tysnes-jentene flinke til å springa heimover.
I FARTA: Linnea Emilie Frøyseth Olsen og resten av J8-laget fekk vist fram handballtalenta i Tysneshallen laurdag.
I FARTA: Linnea Emilie Frøyseth Olsen og resten av J8-laget fekk vist fram handballtalenta i Tysneshallen laurdag.
MELLOM KAMPANE: Jessica Teigland Iversen, Jenny Teigland Tveit og Elina Sjøbø kosa seg med handball på heimebane. Lillesøstera til Elina ville også vera med på biletet.
MELLOM KAMPANE: Jessica Teigland Iversen, Jenny Teigland Tveit og Elina Sjøbø kosa seg med handball på heimebane. Lillesøstera til Elina ville også vera med på biletet.
ARMANE I VERET: I forsvar gjaldt det å halda armane høgt for å blokkera skot frå motstandarane.
ARMANE I VERET: I forsvar gjaldt det å halda armane høgt for å blokkera skot frå motstandarane.
JENTER 8: Det var ein nøgd gjeng med åtteåringar etter turneringa i hallen. Bak frå venstre: Marie Haugland, Sofie Lunde, Thea Aase Bakkane, Elina Sjøbø, Linnea Emilie Frøyseth Olsen og Thea Helgesen Skorpen. Rad nr. 2 frå venstre: Jenny Teigland Tveit, Jessica Teigland Iversen, Elsa Anna Rosa Gustavson Sjøvold, Live Styve Aarvik, Milla Olsen og Mari Rennesvik Borgen. Fremst frå venstre: Tina Annabelle Lunde Ekdahl og Adele Flatråker Siglevik. (Foto: Yvonne Flatråker)
JENTER 8: Det var ein nøgd gjeng med åtteåringar etter turneringa i hallen. Bak frå venstre: Marie Haugland, Sofie Lunde, Thea Aase Bakkane, Elina Sjøbø, Linnea Emilie Frøyseth Olsen og Thea Helgesen Skorpen. Rad nr. 2 frå venstre: Jenny Teigland Tveit, Jessica Teigland Iversen, Elsa Anna Rosa Gustavson Sjøvold, Live Styve Aarvik, Milla Olsen og Mari Rennesvik Borgen. Fremst frå venstre: Tina Annabelle Lunde Ekdahl og Adele Flatråker Siglevik. (Foto: Yvonne Flatråker)

Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...