ANDREPLASS: Kristi Sandvik Pedersen er eit nytt namn på Høgre si valliste, og ho er plassert heilt oppe på andreplass. (Arkivfoto: Vetle Mikkelsen)
ANDREPLASS: Kristi Sandvik Pedersen er eit nytt namn på Høgre si valliste, og ho er plassert heilt oppe på andreplass. (Arkivfoto: Vetle Mikkelsen)

Kristi Pedersen er nummer to på Høgre-lista

Det er ungdomelege krefter som toppar vallista til Høgre før kommunevalet i haust.
Publisert 22.02.2019 kl. 16.06. Oppdatert kl. 16.13.

– Med denne lista meiner Høgre i Tysnes å ha fått på plass eit lag som vil vera godt rusta til å utvikla Tysnessamfunnet vidare, skriv Tysnes Høgre i ei pressemelding.

1. april er fristen for partia å levera inn vallister for kommunevalet i haust, men Tysnes Høgre er allereie klar med si liste. Denne inneheld både erfarne kommunestyrepolitikarar, og yngre krefter som kan verta valde inn i kommunestyret for fyrste gong.


Nytt ansikt på andreplass

Allereie i august i fjor melde «Tysnes» at ordførar Kåre Martin Kleppe har stilt seg til disposisjon for valkomitéen, og lokallagsleiar i Høgre, Torstein Fjeldet Lunde, kommenterte at det «hadde vore meir enn ei bombe om han ikkje vert nominert igjen».

Han vart i 2015 den yngste ordføraren i landet, og no legg partiet opp til å få fleire unge representantar i den neste kommunestyreperioden. På andreplass på lista er Kristi Sandvik Pedersen, som er fødd i 1997.

– Høgre i Tysnes er strålande nøgde med å ha fått ein ung, kvinneleg kandidat med på laget fram mot valet, skriv partiet i pressemeldinga.

Sandvik Pedersen bur i Våge, og studerer ved Det juridiske fakultet på Universitet i Bergen. Ho jobbar også deltid i barnehage, og hos Vågen AS.


26 nominerte

Vallista til Høgre inneheld 26 personar. Av dei er det 17 menn og ni kvinner, noko som er ei liten utjamning i kjønnsbalansen samanlikna med lista i 2015, der seks av 24 kandidatar var kvinner.

Etter Kleppe og Sandvik Pedersen, er Geir Røssland sett opp på tredjeplass på lista. Han er vara i kommunestyret i inneverande periode. På fjerdeplass følgjer Jannike Epland Dalland, som allereie sit i kommunestyret, medan Magne Storesætre er sett opp som nummer fem. I likheit med Røssland er han i dag varamedlem i kommunestyret.

Saman med Kleppe og Epland Dalland, er det Egil Bjarne Berge, Sigvard Madsen og Tore Atle Humlevik som er kommunestyrerepresentantane frå Høgre i inneverande periode. Berge er heilt vekke frå den nye lista, medan Madsen er på 15. plass. Han vart ved førre val, vald inn i kommunestyret frå plass nummer 9 på lista. Tore Atle Humlevik er nedst på lista, på det partiet omtalar som «heidersplassen».

– Tore Atle har vore representant i kommunestyret i Tysnes sidan 1979, med unntak av ein periode. Han har lagt ned ein enorm innsats i det politiske arbeidet på Tysnes i denne tida, og fortener stor takk for arbeidet som er lagt ned, står det i pressemeldinga.

Ordførar Kåre Martin Kleppe er forøvrig den einaste kumulerte kandidaten på lista til Høgre.


Her er heile lista til Høgre (Fødselsår i parentes):

1. KÅRE MARTIN KLEPPE (1992)

2. Kristi Sandvik Pedersen (1997)

3. Geir Røssland (1980)

4. Jannike Epland Dalland (1968)

5. Magne Storesætre (1970)

6. Torstein Fjeldet Lunde (1980)

7. Bjørn Lande (1967)

8. Veronica Lyngstad Skaten (1993)

9. Eli Sofie Kathrine Sandvik (1968)

10. Henrik Holm Sylta (1983)

11. Vidar Storesætre (1993)

12. Juliette Hansen Schmidt (1994)

13. Elisabeth Hatteberg (1982)

14. Sigvard Michael Madsen (1982)

15. Trond Hartvig Bakkane (1986)

16. Anne Kristi Alfstad (1954)

17. Trond Tvedt (1983)

18. Aleksander Fauske (1991)

19. Frode Aksdal Storetvedt (1977)

20. Rune Hystad (1975)

21. Kari Lande (1970)

22. Øystein Bakke (1971)

23. Trygve Steinar Arntsen (1948)

24. Ruth Kongsvik Brandvik (1970)

25. Kjell Halvard Brekke (1943)

26. Tore Atle Humlevik (1950)


Siste saker Gå til framsida