TILBAKE TIL TYSNES: Alejandru Fuentes, Askil Holm, Espen Lind og Kurt Nilsen er klare for Tysnesfest 2019, ti år etter at dei var har sist. (Arkivfoto: Jørgen Haaland)
TILBAKE TIL TYSNES: Alejandru Fuentes, Askil Holm, Espen Lind og Kurt Nilsen er klare for Tysnesfest 2019, ti år etter at dei var har sist. (Arkivfoto: Jørgen Haaland)

Stjernespekka kvartett til Tysnesfest

Espen Lind, Kurt Nilsen, Alejandro Fuentes og Askil Holm gjer Tysnestest-comeback i år – ti år etter sist gong.
Publisert 22.02.2019 kl. 09.00.

I fjor haust møttest Espen Lind og Kurt Nilsen for å spela, synga og mimra, melder Tysnesfest i ei pressemelding.

Mimringa og musikken gav meirsmak, og snart var Alejandro Fuentes og Askil Holm nok ein gong med på laget; kvartetten var samla igjen.

Gjengen har sidan den gong hatt eit utal øvingar, og henta fram fleire låtar frå dei førre albuma sine.


Byrja med Hallelujah

Reisa til dei fire kameratane byrja med ei framføring av Leonard Cohen sin «Hallelujah», på Skavlan i 2006.

Den blei etterfølgt av ein Spellemannpris og ein landsdekkande turné; kvartetten fylte Oslo spektrum til randen tre gongar.

I 2009 turnerte dei igjen, og selde 120.000 billettar. Eitt av stoppa på turen den gongen var Tysnesfest.

– Då me i 2009 booka Lind, Nilsen, Fuentes og Holm var dei utan sidestykke den største festivalbookinga me hadde gjort hittil. Det kom 2.400 publikummarar på konserten, og me kjente at no er me faktisk blitt ein stor festival, sa Sigvard Madsen i eit intervju til boka om Tysnesfest i 2016.


Klare for ny turné

Gutane har blitt ti år eldre sidan sist, og dei er alle familiefedrar. Likevel er dei innstilte på ein tre månadar lang sommarturné.

– Dette kjem til å bli vanvitig gøy både for oss og for publikum. Me klinkar til, og skal laga fest kvar gong me går på scenen. We’re gonna party like it’s 2009! seier Kurt Nilsen i pressemeldinga.

– Då me i haust fekk nyss om at gjengen skulle på turnè igjen i år, måtte me berre booka dei! Me gler oss enormt til torsdag 11. juli, skriv Tysnesfest-sjef Øystein Vaage i ein e-post.


COMEBACK: Returen til Tysnesfest er ein del av comeback-turneen til dei fire populære karane. (Pressefoto)
COMEBACK: Returen til Tysnesfest er ein del av comeback-turneen til dei fire populære karane. (Pressefoto)

Siste saker Gå til framsida

Lesarbrev: Hugs valdagen den 9. september

Det er ei dårleg demokratisk innstilling å ikkje stemma ved eit val. Same om du er noko ueinig med dei ulike partia, så er det alltid eit parti det kan vera greitt å gje si stemme til. Me i Tysnes FrP meiner me har eit godt valprogram, som seier noko om det som må bli betre i Tysnes kommune.Tysnes FrP er svært opptatt av at det ikkje må bli reduksjon i talet på ferjeanløp til og frå...

Klar for kommunal praksis

Jon Agnar Leirvik skal det neste halve året bu og arbeida på Tysnes, som ein del av statsvitskapsutdanninga.