GODT OPPMØTE: Det var mange frammøtte på Mandelhuset torsdag. Frå venstre: Marianne Tvedt, Kamilla Løve Gjersvik, Ida Kristine Kleppe, Isabel Vik, Solveig Lie Tønnesen og Malin Kongsvik. (Alle foto: Vetle Mikkelsen)
GODT OPPMØTE: Det var mange frammøtte på Mandelhuset torsdag. Frå venstre: Marianne Tvedt, Kamilla Løve Gjersvik, Ida Kristine Kleppe, Isabel Vik, Solveig Lie Tønnesen og Malin Kongsvik. (Alle foto: Vetle Mikkelsen)

Eit høve til å møta andre småbarnsmødrer

Patrick Madsen trur på å gi folket det dei vil ha. Det har blant anna resultert i faste barseltreff på Mandelhuset.
Publisert 28.02.2019 kl. 15.34.

Det er eit noko uvant syn som møter journalisten, når lokalavisa tar turen innom Mandelhuset i dag torsdag.

På golvet ligg ein skokk med spedbarn, med mødrene sitjande rett ved sida av.

Over lyden av barnepludder høyrer ein prat om alt frå stoff på babyklede, til spørsmål om alderen til dei små.

I baren blir det tinga korkje pils eller drinkar, men heller cappuccino og eplemost.

Tida er inne for barseltreff.


Mange nye barn

– Det har vore så mange nye barn på Tysnes i det siste, så Mandelhuset har begynt med barselstreff, seier Solveig Lie Tønnnesen.

Tilbodet har vist seg å vera populært blant småbarnsmødrer i kommunen.

– Ein får koma seg ut og vera sosial med folk i same situasjon, smiler Malin Kongsvik.

Blant dei frammøtte er òg ein komande tilflyttar til øya:

– Me flyttar om to veker, seier Kamilla Løve Gjersvik.

Ho er gift med Johan Løve Gjersvik, som er nytilsett sakshandsamar i kommunen.


Litt annleis klientell

– Folk spurde meg om me kunne gjera dette, og eg tenkjer me må høyra på det folk vil ha, seier Patrick Madsen, dagleg leiar på Mandelhuset.

Han beskriv tilbodet som ein sosial samankomst for mødrer og barn.

– Det er eit noko annleis klientell enn vanleg?

– Det er litt annleis, men me er her for alle, seier Madsen.


Siste saker Gå til framsida

TIX til Tysnesfest 2020

Tysnesfest ligg ikkje på latsida. Dagen etter at festivalen er over, slepper dei den første artisten til neste års festival.