KJEKT: Karine Høviskeland Eide synes bollebasaren er ein bra plass for barnefamiliar. Frå venstre: Åsmund Eide, Nathaniel Høviskeland Eide, Karine Høviskeland Eide og Even Elias Høviskeland Eide.
KJEKT: Karine Høviskeland Eide synes bollebasaren er ein bra plass for barnefamiliar. Frå venstre: Åsmund Eide, Nathaniel Høviskeland Eide, Karine Høviskeland Eide og Even Elias Høviskeland Eide.

– Ein kjekk ting å ta ta ungane med på

Laurdag var det duka for den tradisjonsrike bollebasaren på Jensvoll bedehus. Det blei både lovsong, andeleg påfyll og åresal.
Publisert 03.03.2019 kl. 12.05. Oppdatert kl. 12.10.

– Dette er siste gong ein får kjøpa årer til fem kroner. Til hausten begynner ei ny tid, sa Jensvol bedehus-formann Harald Heie frå talarstolen i bedehuset.

Tidlegare på kvelden hadde det vore andakt og lovsong, men no var tida inne for åresal.

Så var det plutseleg i gang! Konferansier Heie ropte opp tal, på tal, og spenninga i rommet var til å ta og føla på.

Alt frå kaffi og sjokolade, til bøker, kalenderar, kaker og klede var på lista over gevinstar.

Etter to rundar med åresal- og trekking, var tida inne for kaffi og boller, før ein gjekk vidare til runde tre.


Kjekt for ungane

– Eg er oppvaksen på Tysnes, så me er her av og til på ulike arrangement og liknande, fortalde Karine Høviskeland Dalland, i kaffipausen.

Saman med mannen Åsmund og barna Nathaniel og Even Elias, hadde ho tatt turen ned på Jensvoll bedehus laurdag.

Til dagleg bur firkløveret på Stord, men i helga var dei på besøk til foreldra til Karine – Svein Kåre og Aase Høviskeland.

– Bollebasaren er ein kjekk ting å ta ungane med på. Det er hyggeleg å ta dei med på noko eg sjølv eg oppvaksen med, la Karine til.

Ho har vore på mang ein bollebasar i sin barndom.

– Dette er gøy, fordi me får bollar, sa eldstesonen Even Elias fornøgd.

Han hjelpte òg til med å levera ut premiar, under åretrekkinga.

– Kva er det beste med bollebasaren?

– Det er nok å hjelpa bedehuset, sa familiefar Åsmund.

– Og så er det fint å ta med ungane, og høyra Guds ord, sa Karine.


På besøk frå Bergen

Òg blant dei frammøtte, var Anne Merete Blichfeldt Dalland. Ho var på basaren saman med mannen Hans Ole Dalland, og barnebarna Tilde og Endre Skarstein Dalland.

– Eg trur me har vore på basaren fire-fem gongar tidlegare, sa Endre, som til vanleg held til i Bergen.

– Eg synest det er kjempegøy, og så får ein god mat, la han til.

Søstera Tilde sa seg einig.

– Og så er det fine gevinstar, sa bestemor Anne Merete.


Flott andakt

Anne Merete nytta òg sjansen til å skryta av Reidun Skartveit, som hadde halde andakt i starten av basaren.

– Ho held alltid utruleg flotte andaktar, sa ho.

– Eg synest det er veldig kjekt å halda andakt, særleg når det er famliar i publikum, sa Reidun.

Ho er tidlegare lærar, og har ofte søndagsskule i Tysnes bedehus i Våge.

– I dag snakka eg om Jesus som døra til Gud, og om Jesus som den gode hyrden, la Reidun til.

– Eg fekk inntrykket av at folk høyrde etter.


KONFERANSIER: Bedehus-formann Harald Heie (på talarstolen) stod for trekkinga av årer.
KONFERANSIER: Bedehus-formann Harald Heie (på talarstolen) stod for trekkinga av årer.
BESØK: Anne Merete Blichfeldt Dalland hadde besøk av barnebarna Tilde og Endre Skarstein Dalland i helga. Laurdag var dei på bollebasar.
BESØK: Anne Merete Blichfeldt Dalland hadde besøk av barnebarna Tilde og Endre Skarstein Dalland i helga. Laurdag var dei på bollebasar.
ANDAKT: Reidun Skartveit tala om Jesus som døra til Gud, og om Jesus som den gode hyrden.
ANDAKT: Reidun Skartveit tala om Jesus som døra til Gud, og om Jesus som den gode hyrden.

Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...