TIL LUNDE: Det blir eit variert program på bokbåten onsdag. (Arkivfoto frå ein annan gong båten var i Lunde)
TIL LUNDE: Det blir eit variert program på bokbåten onsdag. (Arkivfoto frå ein annan gong båten var i Lunde)

– Det er vanvitig mykje bra som skjer i Lunde på onsdag

Onsdag kjem bokbåten til Lunde. På programmet er blant anna god, gammal slagermusikk.
Publisert 04.03.2019 kl. 15.41.

– Alle er velkomne. Lundegrend pleier å vera eit koseleg stopp, seier Svein Ivar Vinnes, skipper på bokbåten Epos.

Når «Tysnes» ringer han, er han i ferd med å lessa nye bøker på båten.

– Det er mange nye, gode bøker, kan skipperen avsløra.

Når båten kjem på onsdag, blir det høve til å låna bøker, i tillegg til familieprogram på dagtid.

På kvelden er det duka for eit musikalsk program kalla Schlager og Kanari.

Dei frammøtte vil få høyra popmusikk frå perioden mellom 30- og 60-talet, med Ingvild Storhaug på vokal (og ymse instrument) og Lena Rist-Larsen på trekkspel og fiolin.

Inspirasjonen trekkjer dei blant anna frå idol som Åse Wentzel, Nora Brockstedt og Zarah Leander.

Det blir noko for både liten og stor, eller som Svein Ivar Vinnes seier:

– Det er vanvitig mykje bra som skjer i Lunde på onsdag!


Siste saker Gå til framsida

TIX til Tysnesfest 2020

Tysnesfest ligg ikkje på latsida. Dagen etter at festivalen er over, slepper dei den første artisten til neste års festival.