BARNEHAGEPLASS: Oppvekstsjef Aud Kaldefoss kan melda om at alle som har søkt om barnehageplass i kommunen, har fått plass. (Arkivfoto: Ingunn Gjærde)
BARNEHAGEPLASS: Oppvekstsjef Aud Kaldefoss kan melda om at alle som har søkt om barnehageplass i kommunen, har fått plass. (Arkivfoto: Ingunn Gjærde)

Alle som søkjer får barnehageplass

Publisert 04.03.2019 kl. 12.07. Oppdatert kl. 12.09.

– Alle som har søkt har fått plass, seier Aud Kaldefoss, oppvekstsjef i kommunen, om situasjonen med barnehageplassar på øya.

I tillegg har, ifølgje Kaldefoss, dei aller fleste fått plass der dei helst vil, med unntak av nokre få barn i opptaksområdet Våge og Uggdal.

– Våge og Uggdal er i same opptaksområde, seier oppvekstsjefen.

Ho peiker på at Vågsmarka barnehage berre har to avdelingar, og at det derfor kan vera vanskeleg for alle å få plass der dei helst vil.

Sett bort ifrå området Uggdal og Våge, har alle fått plass der dei ville i denne omgangen.

– Me hadde ei utfordring på Onarheim, legg Kaldefoss til.

– Men der har me hatt ein dialog med skulen, og blitt einige om at skulen låner bort eitt klasserom, seier ho.

Eit av trinna på skulen vil ta i bruk eitt av klasseromma i kjellaren, slik at det blir eit rom ledig til barnehagen. Dermed er plass-utfordringa i Onarheim barnehage for augeblikket løyst.

– Uteområdet i Onarheim barnehage har heller ikkje vore så kjekt, men no er det løyvd pengar til det, seier Kaldefoss.

Ifølgje Kaldefoss satsar kommunen på at uteområdet er ferdig opprusta til hausten.

redaksjonen@tysnesbladet.no


Siste saker Gå til framsida

Debatt: Tysnes Høgre prioriterer Hordfast

Me registrerer at Naturvernforbundet på Stord i innlegg i Bladet Tysnes tar på seg oppgåva å tolka samferdselsminister Knut Arild Hareide i den retning som passar dei best. I innlegget frå Naturvernforbundet utfordrar dei lokalpartia i Tysnes og Stord til å svara på tre spørsmål. 1. Hordfast treffer på alle dei...

Stengjer vatnet

Tysnes kommune vil stengja vatnet i korte periodar for abonnentar i Våge.

Leiar: Samspelet mellom turistar og fastbuande må halda fram

Samspelet mellom turistar og fastbuande gjer Tysnes til ein god plass å bu, og ikkje minst å feriera – og det heile året. Dei siste vekene er dette samspelet blitt sett på prøve. Regjeringa har både lagt restriksjonar på fritidsreiser og sett forbod mot å opphalda seg i hytter og fritidsbustader. Det har skapt sterke reaksjonar, både for og mot.No ser det ut for at den største...