SER ETTER KJØPARAR: Kystverket skal avhenda denne kaien på Gjøvåg. (Foto: Kystverket)
SER ETTER KJØPARAR: Kystverket skal avhenda denne kaien på Gjøvåg. (Foto: Kystverket)

Søkjer nye eigarar til kai på Gjøvåg

Kystverket ser etter moglege kjøparar av kai på Gjøvåg. Både kommunen, foreiningar og private aktørar kan vera potensielle kjøparar.
Publisert 04.03.2019 kl. 06.00.

Tysnes kommune har fått beskjed frå Kystverket om avhending av Gjøvåg fiskerihamn, som er det offisielle namnet på kaien som ligg ved sida av den tidlegare dør- og vindusfabrikken på Gjøvåg.

Kaien har til no vore eigd av Kystverket, og vore definert som ein «statleg ikkje-næringsaktiv fiskerihamn», og som «ikkje-næringsaktiv» er det bestemt at kaien no skal avhendast og få nye eigarar.


Prioriteringsrekkefølgje

Det er no ope for interesserte partar å melda si interesse for kaien, og Kystverket har sett opp ei prioriteringsliste på kven som har fortrinnsrett av moglege kjøparar.

Fyrst i køen kjem andre statlege institusjonar, som kan overta kaien vederlagsfritt. Dersom ingen slike institusjonar melder si interesse for å overta anlegget, er det kommunale og fylkeskommunale institusjonar som er neste på prioriteringslista. Vidare følgjer foreiningar med ålmennyttige føremål, før private aktørar kjem sist på lista.

Kommunale institusjonar og foreiningar kan kjøpa til takst. Kaien er taksert til 80.000 kroner.


Tenkjer på næring

– Eg vart overraska då eg såg brevet. Eg visste ikkje at det var ei statleg fiskerihamn på Reksteren, fortel ordførar Kåre Martin Kleppe.

Han opplyser at meldinga frå Kystverket sannsynlegvis kjem opp som orienteringssak på neste møte i formannskapet.

– Me har ikkje gjort noko vurdering om kommunen vil vera interessert i å kjøpa kaien, men eg ynskjer å gjera næringsaktørar merksame på denne moglegheita, seier Kleppe.


Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...