KONSERT: Jonas Fjeld hadde med seg gitarist Ben Basgård til Mandelhuset laurdag, og dei vart godt motteke av eit entusiastisk publikum.
KONSERT: Jonas Fjeld hadde med seg gitarist Ben Basgård til Mandelhuset laurdag, og dei vart godt motteke av eit entusiastisk publikum.

– ...og det vart ein song av det òg

Jonas Fjeld har opplevd det meste som artist gjennom mange tiår. Laurdag spelte han for eit fullsett Mandelhus.
Publisert 10.03.2019 kl. 16.26. Oppdatert kl. 16.28.

– Tusen takk til alle som er her i kveld. For meg er dette eit minne for livet, sa Jonas Fjeld frå scenen på Mandelhuset laurdag kveld.

I godt over ein time har han, saman med el-gitarist Ben Basgård, underhalde Tysnes-publikummet med kjente og kjære låtar, og gode historiar. Humor, varme og musikalitet var nøkkelord for konserten laurdag.


Langt artistliv

I mange tiår har Jonas Fjeld vore ein dei største artistane i landet, og han har gjeve ut ei rekkje album, både som soloartist og i samarbeid med andre artistar. Publikum på Mandelhuset fekk oppleva både nye og gamle slagarar, og fekk publikum verkeleg med seg på låtar som «Konnerud», «Tordensky» og «Till The Morning Comes». Sistnemnte er ein låt Fjeld skreiv for Steinar Albrigtsen, og han fortalde at det er sjeldan han spelar låten på konsertar.

Stemninga toppa seg med dei to siste songane for kvelden, og publikum sang livleg med på «Engler i Sneen» og «Hun Kom Som En Engel».

– Dette er den songen som har betydd mest for min karriere, og eg er utruleg audmjuk med tanke på kor mange som har eit nært forhold til denne songen i dag, sa Fjeld før han spelte «Engler i Sneen», som er den songen han er mest kjent for.


Historier og vitsar

For sjølv om musikken var i hovudfokus, sat latteren laust hos publikum mellom slaga. Fjeld innleia kvar låt med forteljingar frå sitt innhaldsrike artistliv, ofte med ein humoristisk vri.

Den folkekjære artisten fortalde om oppveksten i Drammen, sin fyrstefødde son Sigve, og om dei utalege samarbeida han har hatt med både norske og internasjonale artistar. Og forteljingane vart som oftast avslutta med frasen: «...og det vart ein song av det òg», før han sette i gang låten.

Fjeld sin varme og humor, og at han ikkje er redd for å utlevera seg sjølv, vart godt motteke av publikum.

– Han verkar som ein ordentleg jordnær type, fortel Henrik Barthel.

Han sit og pratar med Elin Kårstad etter konserten, og dei er begge full i lovord over kva dei nettopp har opplevd.

– Eg tror nok eg kan seia at det ein av dei beste konsertane eg har vore på, seier Elin.

Også hovudpersonen sjølv var godt nøgd med konserten.

– Eg føler meg heime på små scener, og her fekk eg verkeleg god kontakt med publikum, fortel Jonas Fjeld.


FOLKEKJÆR ARTIST: Fjeld har mange år bak seg som artist, og hadde mange gode historiar å fortelja til publikum på Mandelhuset.
FOLKEKJÆR ARTIST: Fjeld har mange år bak seg som artist, og hadde mange gode historiar å fortelja til publikum på Mandelhuset.

Siste saker Gå til framsida

TIX til Tysnesfest 2020

Tysnesfest ligg ikkje på latsida. Dagen etter at festivalen er over, slepper dei den første artisten til neste års festival.

– Dei er sjukt vittige!

Det seier Frida Walde om Ausekarane. Fredag hadde ho og broren Mikkel sikra seg plass heilt fremst ved scenen til årets show.

Debatt: Nei til vindmøller i Tysnesfjella!

Store delar av Tysnes er inkludert i NVE sitt forslag til nasjonal ramme for vindkraft. Tysnes Ap meiner at det ikkje skal byggjast vindmøller i Tysnes kommune.Me er ein relativt liten kommune, med variert natur frå fjord til fjell. Fjellheimen vår er å betrakta som eit einaste stort naturreservat, med eit rikhaldig dyre- og fugleliv.Vindmøller verkar spesielt øydeleggjande for...