SIGER: Jenter 15-laget vann komfortabelt mot Fitjar, og sikra dermed serietittelen.
SIGER: Jenter 15-laget vann komfortabelt mot Fitjar, og sikra dermed serietittelen.

Jenter 15 vann serien

Både J15- og J12-laget kunne jubla over resultata i Tysneshallen laurdag.
Publisert 11.03.2019 kl. 17.56.

– Det var god stemning i hallen, og det er kjekt med mykje folk på tribunen, fortel Geir Austvik.

Laurdag leia han Tysnes IL sitt Jenter 15- og Jenter 12-lag til tre sigrar på tre kampar. For J15 betyr det at dei kan kronast som seriemeistrar i si pulje, og er det dermed klar for fylkesmeisterskapen i april.

– Jentene har jobba godt heile sesongen, fortel den nøgde trenaren.


Jamn fyrste kamp

Jenter 15-laget spilte to kampar laurdag i jakten på serietittelen, og fekk ein tøff start mot Kalandseid.

– Det er eit lag som står godt mot oss. Sjølv om me ligg godt framfor Kalandseid på tabellen, så er det eit lag me har spelt jamnt mot heile sesongen, fortel Austvik.

Det tok tid før heimelaget fekk angrepsspelet til å flyta, men fekk etterkvart eit overtak i kampen, og til pause stod det 6–4 til Tysnes. Andreomgangen vart også jamn, men Tysnes-jentene trakk det lengste strået og vann 13–10.


Kjempar i toppen

Medan J15-laget venta på å spela sin andre kamp, spelte J12 sin fyrste og einaste kamp for dagen. Og det vart ein kontrollert siger mot Gneist 4. Sluttresultatet vart 19–6, etter at Tysnes leia 11–1 til pause.

– Det var i grunn ganske stor forskjell mellom laga, seier Austvik.

J12-laget ligg dermed på tredjeplass på tabellen, fire poeng bak Løv-Ham 2 på fyrsteplass, men med to kampar mindre spelt enn bergensarane. Med fire kampar igjen å spela, kjempar dermed tolvåringane heilt i toppen av tabellen.


Kontrollert avslutning

Handballdagen i Tysneshallen vart avslutta med Jenter 15-laget sin kamp mot Fitjar. Det var god stemning på tribunen då tysnesingane tidleg fekk eit spelemessig overtak. Jentene forsvarte seg godt, men måtte jobba litt i starten med å spela seg gjennom Fitjar sitt forsvar. Derimot viste dei høg effektivitet på kontringar, og enda opp med ei særs komfortabel 16–3-leiing til pause.

Andreomgangen gjekk i same spor, og heimelaget vann til slutt 29–8.

– Det er positivt at spelarane er på i begge omgangar, uttalar trenaren.

Med ein kamp igjen av sesongen sikra dermed jentene sigeren i avdelinga, og kan førebu seg til fylkesmeisterskapen i april.

– Det vert spennande med sluttspel, avsluttar trenar Austvik.


MÅLVAKT: Tysnes-keeper Emma Marie Bruntveit leverte ein solid kamp, og viste fram ein god kastearm då ho sette i gang ei rekkje kontringar i fyrste omgang.
MÅLVAKT: Tysnes-keeper Emma Marie Bruntveit leverte ein solid kamp, og viste fram ein god kastearm då ho sette i gang ei rekkje kontringar i fyrste omgang.
SCORTE: Brita Austvik scorte sju mål og vart toppscorar mot Fitjar.
SCORTE: Brita Austvik scorte sju mål og vart toppscorar mot Fitjar.
TIME-OUT: Jentene fekk gode instruksar under ein time-out i fyrste omgang.
TIME-OUT: Jentene fekk gode instruksar under ein time-out i fyrste omgang.

Siste saker Gå til framsida

Lesarbrev: Bør trø til for slitne orgel

Pensjonert organist Terje Haugom i Bjørgvin har i vår hatt ein runde og sjekka tre orgel i Tysnes prestegjeld. I «Tysnes» 2. mai hadde han ei vurdering og oppsummering av orgeltilstanden. Orgelet i Reksteren kyrkje hadde han ikkje sjekka. Haugom sin konklusjon var følgjande: «Det er et begredelig faktum at...

Leiar: Tysnes Kraftlag er eit historisk namn som bør vidareførast

Tysnes Kraftlag er eit gamalt og godt innarbeidd namn så vel i lokalsamfunnet som utanfor kommunen sine grenser. I over 70 år har Tysnes Kraftlag eksistert som straumleverandør og netteigar på Tysnes. No har selskapet gått inn i ein ny epoke. Spørsmålet som no har meldt seg, er om selskapet bør skifta namn. Det bør det ikkje.Det var ei skikkeleg storhending som skjedde på Tysnes den...