FLYTUR: Barnehagebarna gjekk gjennom sikkerheitsrutinane på «flyet», saman med kaptein Sara Elisabet Stue. På rekka til venstre sit Oliver Løvaas Helland, Tuva Hauge Hansen og Evelin Vevatne Tønnessen . Til høgre: Tomine Helland Hagen og Emilie Valencia Lunde.
FLYTUR: Barnehagebarna gjekk gjennom sikkerheitsrutinane på «flyet», saman med kaptein Sara Elisabet Stue. På rekka til venstre sit Oliver Løvaas Helland, Tuva Hauge Hansen og Evelin Vevatne Tønnessen . Til høgre: Tomine Helland Hagen og Emilie Valencia Lunde.

– Syden og Spania er eigentleg det same

Førre fredag fekk barna i Lunde barnehage vera med på ein sydentur som kosta mindre enn vanleg – både for miljø og lommebok.
Publisert 13.03.2019 kl. 06.00. Oppdatert kl. 13.04.

– Me driv og late-flyr! Me skal til Spania, sa Oliver Løvaas Helland.

– Nei, me skal til Syden! kom det frå Tomine Helland Hagen ved sida av han.

– Ja, men Syden og Spania er eigentleg det same, meinte Oliver.

Sara Elisabet Stue var kaptein for flyet, og leia ungane gjennom sikkerheitsrutinar og reiseruta; for anledninga snakka Stue i tillegg klingande sørlandsk.


Sydendag

Fly-scenarioet med Stue var ein del av sydendagen til Lunde barnehage, eit opplegg med fleire ulike «stasjonar».

I tillegg til flytur-stasjonen, hadde barnehagen blant anna eit innandørs badeland i garderobane, der ungane fekk plaska rundt i små basseng.


Opplegg for dei minste

Det var òg eit opplegg for dei minste barna. Dei hadde både eit eige badeland og eit opplegg dei kalla minidisko.

I sistnemnde fekk ungane sjansen til å bli pynta for anledninga, og dansa saman.

– Her får dei tatoveringar, farge på neglene og perler i håret, sa Lovise Dalland, frå der ho sat og hjelpte ungane med pynten.

Både Hermine Schmidt Ludvigsen og Torvald Eik Midtbø var innom for å stasa seg opp før dansinga.

– Eg får perler i håret, sa Hermine forsiktig.

Torvald tok seg ein liten tenkepause før han sa noko. Kva var det no den greia på armen heitte?

– Eg får ein tatovering, gliste han, då han kom på ordet.


Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...