UROA: Lagring av tømmer ved Windsor kan skapa farlege situasjonar for barn, meiner bekymra  «Tysnes»-tipsarar. (Foto: Camilla Korsnes)
UROA: Lagring av tømmer ved Windsor kan skapa farlege situasjonar for barn, meiner bekymra «Tysnes»-tipsarar. (Foto: Camilla Korsnes)

Mellomlagrar tømmer ved Windsor

Publisert 14.03.2019 kl. 09.54.

«Tysnes»-tipsarar har den siste tida uttrykt bekymring over tømmeret som er mellomlagra ved Windsor i Våge. Bekymringane går på at det ligg store mengder tømmer rett ved eit buss-stopp, og i nærleiken av eit byggefelt med mange ungar.

– Eg har ein avtale med at dei skal køyra det på kai så snart det er kapasitet hos sjåførane, seier Inga Apeland i Vestskog til «Tysnes».

Tømmeret skal til kaien ved Heningen i Uggdal, som for tida har sprengt kapasitet.

Tryggleik for barn og andre som ferdast rundt tømmeret har vore tema sidan dag ein, forsikrar ho:

– Det blei tatt opp før me la tømmeret ved Windsor. Sjåføren har heilt bevisst sikra tømmeret så godt som mogleg, seier Apeland.

Snart er tømmeret klart til fjerning:

– Eg er ikkje 100 prosent sikker på at dei klarer det denne veka, men antakeleg neste veke.


Siste saker Gå til framsida

Leiar: Tysnes Kraftlag er eit historisk namn som bør vidareførast

Tysnes Kraftlag er eit gamalt og godt innarbeidd namn så vel i lokalsamfunnet som utanfor kommunen sine grenser. I over 70 år har Tysnes Kraftlag eksistert som straumleverandør og netteigar på Tysnes. No har selskapet gått inn i ein ny epoke. Spørsmålet som no har meldt seg, er om selskapet bør skifta namn. Det bør det ikkje.Det var ei skikkeleg storhending som skjedde på Tysnes den...