KAMERATAR: Sigmund Høviskeland og Ole-Bernt Søreide skrytte av Kompasset bar og spiseri.
KAMERATAR: Sigmund Høviskeland og Ole-Bernt Søreide skrytte av Kompasset bar og spiseri.

– Denne plassen er det beste som har skjedd bygda på lenge

Laurdag spelte Ferdamann opp til dans på Kompasset bar og spiseri, til glede for dei frammøtte.
Publisert 17.03.2019 kl. 10.31.

– Det er kjekt når det skjer ting i Uggdal. Det må me støtta opp om, sa Ole-Bernt Søreide til «Tysnes» før konserten på laurdag.

Saman med kameraten Sigmund Høviskeland, hadde han tatt turen til Kompasset, for å høyra gruppa Ferdamann spela.

– Det er lagt mykje innsats i å oppgradera staden, heldt Søreide fram, med referanse til Kompasset.

– Denne plassen er det beste som har skjedd bygda på lenge, skaut Høviskeland inn.

– Kva forventningar har de til kvelden?

– Bra musikk og mykje folk! sa Høviskeland.


– Veit at det blir bra

Blant dei frammøtte var òg Ingunn Lillesletten Hillesvik.

– Kva forventningar har du til kvelden?

– Eg veit at det blir bra. Eg har høyrt bandet før, og dei er veldig, veldig bra, sa Hillesvik.

Ho la til at ho såg fram til godt med folk, dansing og godt humør.

Også ho skrytte kraftig av Kompasset.

– Kompasset er fantastisk. Det er plassen me trong, og plassen me framleis treng, sa ho.

– Ho som driv her (Marianne Elgsås, journ.merk) er fantastisk. Ho er eit skikkeleg stå på-menneske, og det er ikkje mange som hadde klart det ho har klart, la Hillesvik til.


Vågebuar på Uggdalstur

Jannicke Horne, som bur på Gjerstad, hade òg tatt turen til Kompasset på laurdag. Ho hadde berre vore der ein gong tidlegare, men såg fram til runde to.

– Det er kjempebra at dei har fått inn eit band til å spela, smilte Jannicke.

– Og så er det kjekt at det kjem folk og dansar, la ho til.


Spelte opp til dans

Så var det i gang! Ferdamann, ei gruppe frå Austrheim i Nordhordland, gjekk på scenen, og begynte å spela.

Dei baud på god, dansbar, norskspråkleg rock; akkurat det ein ønsker seg av ein kveld ute på bygda.


GLEDDE SEG: Ingunn Lillesletten Hillesvik hadde høyrt gruppa før, og visste at det var bra saker.
GLEDDE SEG: Ingunn Lillesletten Hillesvik hadde høyrt gruppa før, og visste at det var bra saker.
DANSELØVE: Jannicke Horne såg spesielt fram til å dansa til god musikk.
DANSELØVE: Jannicke Horne såg spesielt fram til å dansa til god musikk.
FERDAMANN: Austrheim-gruppa Ferdamann, med tysnesing Jan Gunnar Rosseland på gitar, bidrog med god musikk på Kompasset bar og spiseri laurdag.
FERDAMANN: Austrheim-gruppa Ferdamann, med tysnesing Jan Gunnar Rosseland på gitar, bidrog med god musikk på Kompasset bar og spiseri laurdag.

Siste saker Gå til framsida