SIGER: Maria Andronikidou scora tre mål mot Nore Neset laurdag. (Foto: Frode Haugsgjerd)
SIGER: Maria Andronikidou scora tre mål mot Nore Neset laurdag. (Foto: Frode Haugsgjerd)

Jenter 12 er klare for seriefinale

Med to sigrar på to kampar laurdag og måndag, er J12-laget i posisjon til å vinna serien.
Publisert 20.03.2019 kl. 07.33.

– Det er god stemning i laget, fortel Geir Austvik, som er trenar for Jenter 12-laget til Tysnes IL.

Dei talentfulle jentene spelte kamp både laurdag og måndag, og fekk med seg kontrollerte sigrar i begge kampane. Laurdag vart Nore Neset 3 slått med siffera 18–10, medan Årstad 2 vart slått 25–13 måndag kveld. Begge kampane vart spelt i Tysneshallen.

Den siste kampen var jamnspelt i fyrste omgang, og det skilde berre eitt mål mellom laga til pause.

– Det var jamnt, men me fekk gjort nokre justeringar til andreomgangen, og då enda det med at me vann kontrollert, fortel Austvik.

Jenter 12 står dermed med 32 poeng, etter 16 sigrar på 18 kampar. Den siste helga i mars skal laget spela sine to siste kampar, og møter i siste kamp Løv-Ham til det som ser ut å kunna verta ein seriefinale, der vinnaren vil stå att på toppen av tabellen etter at serien er ferdigspelt.

Det var også fleire Tysnes-lag i aksjon i helga. Jenter 11 spelte to kampar i Bergen, og kom frå det med ein siger og ein uavgjort, og laurdag var damelaget i aksjon mot botnlaget Kleppestø 2 i Tysneshallen, og vann 29–23.

LES OGSÅ: Jenter 15 vann serien


SCORA SEKS MÅL: Tora Nødland Austvik vart Tysnes sin toppscorar med seks mål mot Nore Neset. (Frode Haugsgjerd)
SCORA SEKS MÅL: Tora Nødland Austvik vart Tysnes sin toppscorar med seks mål mot Nore Neset. (Frode Haugsgjerd)

Siste saker Gå til framsida

Onsdag: Ordføraren treng ei forsamling på E-brygga

Eit innlegg publisert i den offentlege Facebook-gruppa «Oppslagstavlo Tysnes» har vekt mykje nysgjerrigheit. – Hei alle saman! I morgon, onsdag 26. juni, treng eg litt hjelp frå store og små, innleiar Kleppe i innlegget som blei lagt ut tysdag kveld. Han skriv vidare at han skal vera med i eit program som skal...