TYSNES MUSIKKLAG: Musikklaget baud på variert korpsmusikk.
TYSNES MUSIKKLAG: Musikklaget baud på variert korpsmusikk.

Mat, musikk og flotte gevinstar

Onsdag inviterte Tysnes musikklag, Onarheim musikklag og Tysnes skulekorps på korpskvelds.
Publisert 21.03.2019 kl. 13.02.

– Det er fantastisk kjekt å sjå dykk! sa Lars Petter Epland, leiar i Tysnes musikklag.

– Nokre trudde nok at korpskvelds berre betydde at korpsa skulle eta kvelds saman, så dei blei berre heime. Men de har skjønt det, spøkte Epland vidare.

Han var konferansier for kvelden, då Tysnes musikklag, Onarheim musikklag og Tysnes skulekorps inviterte på korpskvelds onsdag.

– Dette er jo heimebanen til musikklaget. Me har spelt her i 50 år, sa Epland.


Flott musikk

Det var lagt opp til musikalsk program. Først ute var Tysnes musikklag, som baud på både livleg og sjelfull korpsmusikk.

Deretter spelte Tysnes skulekorps og Onarheim musikklag; dei spelte dei same låtane dei skal spela på Hordablæsten i helga.

Huglo musikklag og Onarheim musikklag skal i høve Hordablæsten spela saman.


Gevinstar og mat

– Ingen arrangement utan loddtrekking, sa konferansier Epland.

I tillegg til det musikalske programmet, var det nemleg lagt opp til trekking av flotte premiar.

Det blei òg høve til å eta seg god og mett på snittar.


Siste saker Gå til framsida

Godøysund var draumeplassen for mange

Rita Steckmest Sivertsen (52) vaks opp med somrane på Godøysund og hotellet der då familien eigde det. No har ho, broren Tom og mannen hennar, Nils Petter Sivertsen, kjøpt tilbake Godøysund og vil rydda og leggja til rette for at mange igjen kan bruka øyane der til gode naturopplevingar.