BLIDE JENTER: Emma Marie Elgsås og Malin Dalland var blant 10. klassingane som tok ein vals på omsorgssenteret. (Alle foto: Camilla Korsnes)
BLIDE JENTER: Emma Marie Elgsås og Malin Dalland var blant 10. klassingane som tok ein vals på omsorgssenteret. (Alle foto: Camilla Korsnes)

Svinga seg for dei eldre

I dag måndag vitja eit knippe ungdomsskuleelevar omsorgsenteret. På programmet var underhaldning i ein klasse for seg.
Publisert 25.03.2019 kl. 14.37. Oppdatert kl. 14.42.

Det blei spelt opp med både nymotens musikk og gamle slagerar, då tiandeklassingane med valfag sal og scene besøkte omsorgssenteret.

Også stand-up var på programmet, men det var dessverre over, før avisa kom til staden.

Blant dei varierte musikalske innslaga kan ein nemna Alida Tvedt Petterson, som spelte piano og song «Mardy Bum» av Arctic Monkeys; Synne Malkenes, som spelte gitar og song «Slipping through my fingers» av ABBA; Malin Dalland og Rhine Storetvedt, som song «Imagine» av John Lennon; i tillegg til mange fleire unge talent.

Ungdommane baud òg på ein fellessong, som dei eldre nok kjende godt til:

– No skal me synga ein fellessong, som heiter «Mellom bakkar og berg». Den er skrive av Ivar Aasen. Han kan eg mykje om, for han har me hatt om i norsken, sa konferaniser Cathrine Kjøndal, før fellesnummeret.


Ville laga show

– Me tenkte etter nyttårsshowet, at heile klassen ville ha eit show, sa Malin Dalland til «Tysnes».

Det skulle visa seg å bli vanskeleg å få til eit show med heile tiandeklassen, så idéen enda opp i valfagtimane til sal og scene.

– Me tenkte at dette ville vera kjekt for dei på omsorgssenteret. Me sende ein mail til dei, og fekk det til, la Dalland til.

– Alle gjorde ein kjempebra innsats!


Inspirerande

I publikum sat blant anna Jan Belt. Han er pårørande for nokon som bur på omsorgssenteret.

– Dette var verkeleg eit flott tiltak. Dei som bur her fekk verkeleg nyta dette her, sa han.

– Det er viktig å få litt aktivitet her, elles sit dei stort sett på kvart sitt rom, meinte Belt.

– For oss som er pårørande, er dette inspirerande.



TORADAR: Multitalentet Jannike Berge Espevik både song og spelte for dei eldre.
TORADAR: Multitalentet Jannike Berge Espevik både song og spelte for dei eldre.
FLINK GJENG: Her syng sal og scene-elevane «Mellom bakkar og berg», til stor glede for den eldre garde.
FLINK GJENG: Her syng sal og scene-elevane «Mellom bakkar og berg», til stor glede for den eldre garde.
VAKKER SONG: Synne Malkenes framførte ABBA-låten «Slipping through my fingers».
VAKKER SONG: Synne Malkenes framførte ABBA-låten «Slipping through my fingers».
PÅRØRANDE: Jan Belt (midten) var godt nøgd med underhaldninga.
PÅRØRANDE: Jan Belt (midten) var godt nøgd med underhaldninga.

Siste saker Gå til framsida

Fylte gymsalen med song

Viss nokon lurte på kva dei høge lydane på Reiso var rundt lunsjtider sist fredag, var det berre elevane ved Uggdal skule som song så taket nesten løfta seg.

Leiar: Bomskot å føreslå nedlegging av landbruk/teknisk

Framstegspartiet sin representant i formannskapet, Magnar Solheim, føreslår å leggja ned utval for landbruk/teknisk. Det er eit bomskot.I sist møte i formannskapet fortalde Solheim at hovudårsaka til at han har sendt inn ein slik førespurnad, eller eit ønske, er saksmengda og måten å behandla saker i...