TIL ONARHEIM: I år er det Marthe Wang som får æra av å avslutta Tysnesfest, søndag 14. juli. (Pressefoto)
TIL ONARHEIM: I år er det Marthe Wang som får æra av å avslutta Tysnesfest, søndag 14. juli. (Pressefoto)

Marthe Wang skal ha kyrkjekonserten

I år som tidlegare lovar Tysnesfest ei magisk stund i kyrkja på Onarheim.
Publisert 30.03.2019 kl. 17.35. Oppdatert kl. 17.50.

Festivalen sende ut pressemelding om sleppet laurdag ettermiddag.

– Om du har høyrt på radio det siste året, så er sjansen svært stor for at du har fått med deg låten «Til Deg». Låten som har varma norske lyttarar sine hjarte sidan desember 2016 er framleis høgt oppe på spelelistene til radiokanalar i Noreg, melder Tysnesfest.

Marthe skriv materialet sitt sjølv, og ho har ei eineståande formidlingsevne som gjer at publikum blir bergtekne. Ho seier sjølv at «Jeg vil at det skal høres ut som jeg står og synger inn i øret ditt».

Marthe Wang er 28 år, og fødd og oppvaksen i Bergen. Ho blei ferdig utdanna ved Norges Musikkhøgskole i 2014, der ho studerte jazz-song og musikkpedagogikk.

I februar 2017 kom hennar debutalbum «Ut og se noe annet», som fekk strålande kritikkar. Ho blei spelemannsnominert for plata i vise-kategorien, og låten «Til deg» blei vald ut som Kirkens Bymisjon sin TV-aksjonslåt i 2018.I fjor mottok ho dessutan Tekstforfatterfondet sin lyspunktpris og TONO sin gjeve Edvardpris for teksten på «Ut og se noe annet».

– Marthe har nyleg spelt inn sitt neste album, som blir utgjeven i september 2019. Det er berre å gle seg til singelslepp i vår, heiter det i pressemeldinga.


Siste saker Gå til framsida

Fylte gymsalen med song

Viss nokon lurte på kva dei høge lydane på Reiso var rundt lunsjtider sist fredag, var det berre elevane ved Uggdal skule som song så taket nesten løfta seg.

Leiar: Bomskot å føreslå nedlegging av landbruk/teknisk

Framstegspartiet sin representant i formannskapet, Magnar Solheim, føreslår å leggja ned utval for landbruk/teknisk. Det er eit bomskot.I sist møte i formannskapet fortalde Solheim at hovudårsaka til at han har sendt inn ein slik førespurnad, eller eit ønske, er saksmengda og måten å behandla saker i...