TØFF: Her borar Yosan Ghirmay Ngusse seg gjennom Løv-Ham sitt forsvar, og skyt.
TØFF: Her borar Yosan Ghirmay Ngusse seg gjennom Løv-Ham sitt forsvar, og skyt.

Jenter 12 er seriemeistrar

Fire nye poeng på laurdag førte det samansveiste laget rett til topps.
Publisert 31.03.2019 kl. 11.59. Oppdatert 01.04.2019 kl. 12.44.

18 sigrar og to tap. 334 scora mål. Laurdag vart det klart at Tysnes Jenter 12 er det mestvinnande laget i si pulje, etter at både Fana og Løv-Ham hadde avgitt poeng i Tysneshallen.

Godt samhald ser ut til å vera ein av nøklane til suksess for desse jentene.


Dyktig keeper

Fyrst møtte jentene Fana 2. Det blei ein målrik kamp, der Tysnes vann heile 21-12 (10-5 til pause).

Etterpå var det Løv-Ham 2 sin tur til å prøva seg, og heller ikkje desse hadde nok å stilla opp med. Her gjekk Tysnes tidleg opp i ei fin 4–0-leiing, og Løv-Ham sin trenar såg seg nøydd til å bestilla ein timeout. Like etter kom den fyrste reduseringa, men så blei det smått med mål frå begge lag. Til pause var stillinga 5-2.

Det mangla likevel ikkje på målforsøka, og hadde Tysnes hatt marginane på si side, ville leiinga vore større. Jentene varta opp med imponerande kryssingsspel, og bak sytte Louise Vermedal Lunde for gode redningar. Ingen lag i pulja har sleppt inn så få mål som Tysnes (191).

Etter ein fin men målfattig andreomgang vann heimelaget til slutt 10-5.


Godt lagmiljø

Det var ein blid bukett jenter som møtte lokalavisa for ein prat etter siger nummer to.

– Korleis er det å spela fleire kampar på ein dag, har de framleis meir energi igjen?

– JA! kom det raskt i kor frå gjengen.

Gleda over å kunna kalla seg seriemeistrar var stor.

– Det er heilt fantastisk. Me har kjempa så hardt for dette, sa Alma Vermedal.

– Kva er det som gjer dykk så gode?

– Trekka våre, var det fleire som nemnde.

– Lagspelet vårt, og at me som speler er ein gjeng, sa Louise Vermedal Lunde.

– Alle kjenner kvarandre godt, og det er ikkje noko negativitet, la Elise Sørhus Dalen til.

Ja, her kunne me ha fortsett lenge. Det er også verdt å nemna at dei har eit godt samarbeid med andre aldersbestemte lag, både på trening og kamp. Og når det ikkje er handballsesong, møtest nesten alle på fotballbanen.

– Me har eit kjempebra miljø, sa jentene, som kan sjå fram til pinsecup i juni.


Ingen kretsmeisterskap?

Sjølv om Tysnes Jenter 12 har vunne serien, får dei truleg ikkje delta i kretsmeisterskapet. Årsaka er at dei er eit dispensasjonslag, noko som tyder at dei har lov til å låna eldre spelarar for å ha stort nok lag.

«Tysnes» kjem tilbake med meir om dette i papiravisa.


HELDT FOR HARDT: Denne situasjonen gav straffe til Tysnes. I raude drakter ser me Elise Sørhus Dalen (t.v.) og Tora Nødland Austvik.
HELDT FOR HARDT: Denne situasjonen gav straffe til Tysnes. I raude drakter ser me Elise Sørhus Dalen (t.v.) og Tora Nødland Austvik.
TREFFSIKKER: Maria Andronikidu bidrog med åtte mål for Jenter 12 i kampen mot Løv-Ham – eitt av dei på straffe.
TREFFSIKKER: Maria Andronikidu bidrog med åtte mål for Jenter 12 i kampen mot Løv-Ham – eitt av dei på straffe.
PASNING: Ronja Sløgedal viste god innsats i Tysneshallen.
PASNING: Ronja Sløgedal viste god innsats i Tysneshallen.

Siste saker Gå til framsida

Dei nye ferjerutene er klare

I formiddag lanserte Skyss dei nye ferjerutene på sambanda Våge-Halhjem og Jektavik-Nordhuglo-Hodnanes, som trer i kraft 1. januar.

Byggjer utvendig toalett

Det er vanskeleg å nå fram i tide for dei unge som treng rask veg til nødvendige ærend. Slik det er no, er ikkje tilhøva tilfredsstillande, skriv styrar i Stjernereiso barnehage.– Me har mykje toalettuhell. Det er dårleg for barna sin meistringsfølelse, og det går mykje ekstra tid der me er for få vaksne ute, argumenterer styraren.Rådmannen har lytta til ønsket frå barnehagen,...