GLADE: Elise Vermedal og dei andre J15-spelarane vann sin siste seriekamp, og skal søndag delta i kretsmeisterskapet.
GLADE: Elise Vermedal og dei andre J15-spelarane vann sin siste seriekamp, og skal søndag delta i kretsmeisterskapet.

Sigra i siste seriekampen

No ventar kretsmeisterskapet for Jenter 15.
Publisert 01.04.2019 kl. 13.52. Oppdatert 02.04.2019 kl. 08.12.

Laurdag tok dei imot Nordre Fjell på heimebane, ein match som enda 17-13. Då fekk laget vist at dei er fyrsteplassen verdig, og det er ein fin statistikk dei har å skilta med etter at serien no er ferdigspelt; 13 sigrar, ein uavgjort og berre eitt tap.


Reservekeeperar

Tysnes var i leiinga størstedelen av denne kampen, men Nordre Fjell greidde å utlikna eit par gonger. Det var med andre ord ein litt spennande kamp, men ein fekk aldri heilt kjensla av at det skulle gå galt.

Til pause var stillinga 9-7.

Brita Nødland Austvik og Anette Christensen stilte som reservekeeperar for heimelaget i kvar sin omgang, noko dei meistra på ein svært god måte.

Alt i alt viste jentene mykje flott spel for publikum. Til slutt stod det 17-13 på tavla, og jentene jubla og klemte kvarandre.


– Alltid gøy å vinna

For nokre veker sidan blei det klart at Tysnes Jenter 15 er seriemeistrar, og dermed får delta i fylkesmeisterskapet. Det skjer komande søndag, og jentene gler seg.

– Me skal slå dei, seier Marta Luna Santillana sjølvsikkert.

– Det blir dritgøy, smiler Malin Dalland.

Og sjølvsagt smakte det godt med siger i deira aller siste seriekamp i Tysneshallen.

– Det er alltid gøy å vinna, kommenterer Kristine Opdal.


KONTRING: Brita Nødland Austvik er eitt år yngre enn hovudtyngda i laget, og viser stort talent.
KONTRING: Brita Nødland Austvik er eitt år yngre enn hovudtyngda i laget, og viser stort talent.
SPRETTEN: Marita Fagerbakk Lunde scora to mål på laurdag.
SPRETTEN: Marita Fagerbakk Lunde scora to mål på laurdag.
STOPPA: Her får Hanna Langballe bryna seg mot Nordre Fjell sitt forsvar.
STOPPA: Her får Hanna Langballe bryna seg mot Nordre Fjell sitt forsvar.

Siste saker Gå til framsida

Fylte gymsalen med song

Viss nokon lurte på kva dei høge lydane på Reiso var rundt lunsjtider sist fredag, var det berre elevane ved Uggdal skule som song så taket nesten løfta seg.

Leiar: Bomskot å føreslå nedlegging av landbruk/teknisk

Framstegspartiet sin representant i formannskapet, Magnar Solheim, føreslår å leggja ned utval for landbruk/teknisk. Det er eit bomskot.I sist møte i formannskapet fortalde Solheim at hovudårsaka til at han har sendt inn ein slik førespurnad, eller eit ønske, er saksmengda og måten å behandla saker i...