HALVMARATON: Pernilla Epland (106) sprang saman med Vienna Dahle (105) frå Skjalg i Stavanger i store delar av løpet. Vienna Dahle kom i mål elleve sekund bak Pernilla. (Foto: Nils Hetleflåt)
HALVMARATON: Pernilla Epland (106) sprang saman med Vienna Dahle (105) frå Skjalg i Stavanger i store delar av løpet. Vienna Dahle kom i mål elleve sekund bak Pernilla. (Foto: Nils Hetleflåt)

Nøgd trenar: Fin 6. plass til Pernilla i Nederland

Pernilla Epland sprang inn til 6. plass i dameklassen og var best av dei norske damene på halvmaratonen i Nederland i helga.
Publisert 01.04.2019 kl. 11.06.

– Det er ikkje plasseringa me er mest opptekne av, men tida. Og tida var god, berre 13 sekundar bak hennar personlege rekord, seier trenar Nils Hetleflåt til «Tysnes».

1.14.47 vart tida til Pernilla i år. Det er 24 sekundar raskare enn tida ho oppnådde på den same halvmaratonen i fjor.

Det var fine springeforhold der arrangementet gjekk av stabelen søndag, med sol og 15 grader i lufta, men det var og ein god del vind.

– Det blei litt tungt i motvinden, seier trenaren, som likevel er godt nøgd med gjennomføringa til Pernilla.

Arrangementet er ei storstila massemønstring, med nesten 9.000 deltakarar berre på halvmaratonen. Til saman var det kring 23.000 deltakarar samla på ulike distansar på dette løpet.

Massemønstring er det også av publikum.

– Det var sikkert hundre tusen som såg på. Det var veldig god stemning langs store delar av løypa. Då er det sjølvsagt enormt motiverande å vera deltakar, seier Hetleflåt.


Siste saker Gå til framsida

Leiar: Lokalsamfunn med eit godt hjelpeapparat

Natt til laurdag tok det til å brenna i eit bustadhus i Uggdal. Den unge familien kom seg til all lukke ut av det brennande huset utan fysiske skadar. I «Tysnes» denne veka kan me lesa at brannvesenet var på brannstaden eit kvarter etter at mor i huset fekk varsla om brannen klokka 03.23. Det gler...