SIGER: Jenter 12-laget til Njardar/Tysnes kunne jubla for siger i fyrste seriekamp på sjølvaste Fotballens dag.
SIGER: Jenter 12-laget til Njardar/Tysnes kunne jubla for siger i fyrste seriekamp på sjølvaste Fotballens dag.

Fotballglede på Fotballens dag

Fotballens dag betyr fotballmoro for store og små, og ekstra kjekt vart det for Jenter 12-laget, som vann fyrste seriekamp mot Bremnes.
Publisert 08.04.2019 kl. 15.10.

– Det er veldig kjekt å spela mot folk ein kjenner frå før, seier Elise Sørhus Dalen.

Ho står og triksar saman med veninnene Ingvil Vermedal og Louise Vermedal Lunde. Dei er ferdige med sine kampar for dagen, men har ikkje forlate kunstgrasbanen på Reiso. I bakgrunnen spelar Njardar sitt Jenter 12-lag sin fyrste seriekamp for sesongen.

– Me ville vera igjen og sjå på dei andre, fortel Elise.

Før J12 sette i gang sin kamp, spelte Elise, Ingvil og Louise, saman med resten av J13-laget, ein internkamp mot eit samansett gutelag med spelarar mellom 11 og 13 år.

– Me tapte 0–3, men me spelte 2–3 mot dei tidlegare, fortel Ingvil.

Men sjølv om det vart tap, er dei nøgd med kampen.

– Me fekk til ein del godt spel, seier Louise, som saman med dei andre jentene er tydeleg på at fotballen ikkje berre handlar om å scora mål.

– Det er viktig at me får til å spela i lag, er jentene samde om.


Markerer seriestart

Fotballens dag har vorte ein tradisjon for Njardar/Tysnes. Dette er dagen i april som markerer sesongopningen for dei aldersbestemte laga på Reiso. I alle aldersgruppar er det interne kampar, og i år passa dagen også inn med Jenter 12-laget sin fyrste seriekamp mot Bremnes. Og det viste seg å verta ein spennande kamp.

Oppgjeret starta jamt, men heimelaget fekk eit spelemessig overtak, og eit stykke ut i fyrste omgang fann dei også nettmaskene. Sjølv om jentene frå Bremnes spelte godt, var det Tysnes-jentene som fekk alt til å klaffa i fyrste omgang, og til pause stod det heile 4–0 etter to mål av Rikke Dalen Hagen, eitt av Emma Sofie Nesse Torgersen og eitt av Martha Nødland Austvik.


Opphenting

I andre omgang viste derimot bortelaget at dei også ville vera med å scora. Fyrst reduserte dei ein gong, og så ein gong til, og dermed var det ny spenning i kampen på stillinga 4–2. Tysnes-jentene fortsette også å skapa sjanser, men det var laget frå Bremnes som fortsette å scora, og då kampen gjekk inn i sluttfasen var opphentinga eit faktum.

Det såg ut som kampen skulle enda 4–4, noko som ville vore eit rettferdig resultat, men Njardar hadde marginane på si side. I sluttminutta fekk Rikke Dalen Hagen fyrt av eit skot på mål frå langt hold. Bremnes-keeperen var nære på å redda, men ballen gjekk i nettet, og tysnesingane var på ny i leiinga. Det vart siste målet i kampen, og heimelaget jubla stort for den fyrste sigeren i 2019.

Tremålsscorar og matchvinnar Rikke var godt nøgd etter kampen, men tek ikkje på seg for mykje av æra for det avgjerande målet.

– Eg skulle eigentleg berre få ballen vekk. Det var eigentleg eit innlegg, fortel den audmjuke hattrick-helten.


Kjekt å vera i gang

Med deileg solskin og behageleg temperatur, var søndagen ein perfekt dag for fotballmoro på Reiso. For J12-gjengen var det kjekt å koma i gang med ein ny sesong.

– Det er veldig gøy å vera i gang med sesongen, for det betyr at me får spela meir, seier Rikke, noko lagveninnene er einige i.

– Det er gøyare med kamp enn trening, seier Emma Sofie Nesse Torgersen.

Jentene er også godt nøgd med å starta sesongen med siger.

– Det er ganske motiverande for resten av sesongen, seier Anna Gaugstad Birkeland.





KOSTE SEG I SOLA: Louise Vermedal Lunde (t.v.), Ingvil Vermedal (i midten) og Elise Sørhus Dalen vart igjen på Reiso etter å ha spelt sine kampar. Dei nytta tida til å triksa og sjå på J12-laget.
KOSTE SEG I SOLA: Louise Vermedal Lunde (t.v.), Ingvil Vermedal (i midten) og Elise Sørhus Dalen vart igjen på Reiso etter å ha spelt sine kampar. Dei nytta tida til å triksa og sjå på J12-laget.
TRIKSING: Dei tre jentene viste prov på god fotballteknikk.
TRIKSING: Dei tre jentene viste prov på god fotballteknikk.
FOTBALLDAG: Mariella Thuen spelte ein god kamp mot Bremnes.
FOTBALLDAG: Mariella Thuen spelte ein god kamp mot Bremnes.
JUBEL: Det var eit nøgd jentelag som stilte opp til lagbilete etter sigeren mot Bremnes. Bak frå venstre: Mariella Thuen, Yosan Ngusse, Emma Sofie Nesse Torgersen, Rikke Dalen Hagen og Ingrid Belt. Framme frå venstre: Victoria Gjerstad, Hedvig Lunde Klemmetsby, Anna Gaugstad Birkeland, Martha Nødland Austvik, Ronja Sløgedal og Iselinn Nilsen.
JUBEL: Det var eit nøgd jentelag som stilte opp til lagbilete etter sigeren mot Bremnes. Bak frå venstre: Mariella Thuen, Yosan Ngusse, Emma Sofie Nesse Torgersen, Rikke Dalen Hagen og Ingrid Belt. Framme frå venstre: Victoria Gjerstad, Hedvig Lunde Klemmetsby, Anna Gaugstad Birkeland, Martha Nødland Austvik, Ronja Sløgedal og Iselinn Nilsen.
BALLKONTROLL: Ronja Sløgedal viste at ho utan problem kunne dribla vekk to motspelarar.
BALLKONTROLL: Ronja Sløgedal viste at ho utan problem kunne dribla vekk to motspelarar.
FOTBALLKOS: Denne gutegjengen slappa av i sola på Reiso.
FOTBALLKOS: Denne gutegjengen slappa av i sola på Reiso.
UNGE SPELARAR: Fotballens dag er også eit høve for dei yngste aldersklassane til å prøva seg på fotballbanen. (Foto: Ronny Hagen)
UNGE SPELARAR: Fotballens dag er også eit høve for dei yngste aldersklassane til å prøva seg på fotballbanen. (Foto: Ronny Hagen)

Siste saker Gå til framsida

Fylte gymsalen med song

Viss nokon lurte på kva dei høge lydane på Reiso var rundt lunsjtider sist fredag, var det berre elevane ved Uggdal skule som song så taket nesten løfta seg.

Leiar: Bomskot å føreslå nedlegging av landbruk/teknisk

Framstegspartiet sin representant i formannskapet, Magnar Solheim, føreslår å leggja ned utval for landbruk/teknisk. Det er eit bomskot.I sist møte i formannskapet fortalde Solheim at hovudårsaka til at han har sendt inn ein slik førespurnad, eller eit ønske, er saksmengda og måten å behandla saker i...