KORKAFÉ: Hans Ole Dalland, og resten av Tysnes kammerkor, inviterte til korkafé i Vonheim søndag.
KORKAFÉ: Hans Ole Dalland, og resten av Tysnes kammerkor, inviterte til korkafé i Vonheim søndag.

Fylte Vonheim med kormusikk

Tysnes kammerkor inviterte til korkafé søndag, og det var knapt eit ledig sete i salen.
Publisert 08.04.2019 kl. 08.09.

– Eg håpar denne stunda vil gje dykk glede denne fine vårkvelden, sa Hans Ole Dalland, då han på vegner av Tysnes kammerkor innleia korkaféen i Vonheim søndag.

Koret inviterte til ein kveld med mykje song og musikk, mat og åresal, og mange tysnesingar nytta den flotte søndagskvelden til å vitja vonheim for musikalsk påfyll.

– Det er heilt fantastisk at det var full sal. Det er inspirerande for heile koret når det er så god respons og me ser at folk møter fram, seier Dalland til «Tysnes».


Gjestar

Sjølv om koret stilte mannsterkt med 25 personar, samt dirigent Trent Bruner, hadde dei også med seg nokre gjestemusikarar. I fjor sommar spelte Anders Bakke opp til allsong under Tysnesfest, og gjentok deler av den bedrifta i Vonheim søndag. Med seg hadde han Endre og Eirik Hodneland på høvesvis keyboard og gitar.

– Det er veldig kjekt at me kan ha andre krefter med på ein slik kveld, fortel Dalland.


Variert program

Koret hadde på førehand laga i stand eit breitt og variert program.

– Det vert både åndelege og verdslege songar, sa Dalland til publikum.

Det var god stemning og tydeleg at publikum kosa seg då koret song kjente songar som «Liten Fuggel» av Vamp, og ein norsk versjon av Sting-klassikaren «Fields of Gold».

Ein av dei nye medlemmane i koret, Stig Heine Johansen, hadde også med gitaren sin. Han framførte mellom anna ein vakker versjon av «The Last Thing On My Mind» av Tom Paxton, og «Blowing In The Wind» av Bob Dylan. Sistnemnte førte til solid allsong blant publikum.


Gode kortider

Hans Ole Dalland fortalde dei frammøtte om tida vidare for koret.

– Me har ei travel tid framfor oss. I slutten av april skal me til Huglo for å syngja, og i mai skal me fyrst til Trengereid og framføra i lag med andre kor, før me skal vera med på ein korfestival i Haugesund i slutten av mai, sa han.

Dalland trur at det travle programmet, i tillegg til fleire nye medlemmar, betyr at koret er inne i ei god tid.

– Det er veldig kjekt med nye medlemmar. Me har fått med fem nye personar, og fire av dei var med i kveld. Eg trur det er gode tider for koret, seier han.




FULLT HUS: Responsen frå publikum var god, og det var ikkje mange ledige sete i salen.
FULLT HUS: Responsen frå publikum var god, og det var ikkje mange ledige sete i salen.
ALLSONG: Koret hadde for anledninga fått med seg Anders Bakke, samt musikarane Endre og Eirik Hodneland. Dei spelte opp til allsong for dei frammøtte.
ALLSONG: Koret hadde for anledninga fått med seg Anders Bakke, samt musikarane Endre og Eirik Hodneland. Dei spelte opp til allsong for dei frammøtte.
DYKTIG GITARIST: Eirik Hodneland viste fram imponerande gitarspel.
DYKTIG GITARIST: Eirik Hodneland viste fram imponerande gitarspel.
STORT KOR: 25 kormedlemmar var med og song søndag. Det inkluderte fire av fem nye medlemmar, som har kome til den siste tida.
STORT KOR: 25 kormedlemmar var med og song søndag. Det inkluderte fire av fem nye medlemmar, som har kome til den siste tida.
SOLONUMMER: Ein av dei nye medlemmane er Stig Heine Johansen, som også framførte eige nummer med song og gitar.
SOLONUMMER: Ein av dei nye medlemmane er Stig Heine Johansen, som også framførte eige nummer med song og gitar.
VARIERT: Koret framførte eit variert program med alt frå Vamp Til Händel.
VARIERT: Koret framførte eit variert program med alt frå Vamp Til Händel.

Siste saker Gå til framsida

Fylte gymsalen med song

Viss nokon lurte på kva dei høge lydane på Reiso var rundt lunsjtider sist fredag, var det berre elevane ved Uggdal skule som song så taket nesten løfta seg.