TIL TYSNESFEST: Naboen Min skal spela for dei yngste festivaldeltakarane i Bermudateltet under Tysnesfest. (Foto: Øyvind Zahl)
TIL TYSNESFEST: Naboen Min skal spela for dei yngste festivaldeltakarane i Bermudateltet under Tysnesfest. (Foto: Øyvind Zahl)

Med mål om å få barna til å syngja, dansa, smila og le

Spellemannvinnar Naboen Min skal underhalda det yngste publikummet under Tysnesfest.
Publisert 09.04.2019 kl. 20.24.

– Det er ekstra kjekt å kunna booka lokale band, skriv Tysnesfest-leiar Øystein Vaage i ei pressemelding.

Det er Norheimsund-gruppa Naboen Min han pratar om. Med tekstar på nynorsk, syng bandet om alt frå dansande kroppsdelar til hoppande dyr, og folk som treng trøyst.

– Musikken på albumet spenner frå rock til viser, og ein kan òg finne inspirasjon frå både reggae og country, skriv Vaage i pressemeldinga.

Naboen Min har god erfaring med å spela for barn, og har framført mykje for skular og barnehagar. Bandet har slått gjennom det siste året, og debutalbumet «Rockesock» skaffa gruppa ein spellemannpris i kategorien for barnemusikk.

– Plata er ei samling nyskrivne barnesongar, og har som mål å få ungar til å syngja, dansa, smila og le, står det i pressemeldinga.

Bandet består av forfattar og låtskrivar Vegard Markhus, og produsent og multiinstrumentalist Bjørnar Sangolt, samt ei rekkje erfarne musikarar. Naboen Min skal spela i Bermudateltet torsdagen under Tysnesfest.


Siste saker Gå til framsida

Turlaget på Stord vitja Tysnes

Nyleg var Stord - Fitjar Turlag på sin årlege tur til Tysnes. Dei ti medlemene som tok turen denne dagen gjekk opp frå Vadla til Tysnessåto, og deretter til Hovlandsnuten via Etlådnefjellet. Deretter ned til Vasstølen og parkeringsplassen ved Skaret. – Planen var ifylgje programmet å gå enten berre til Såto eller Nuten, men i det fine veret denne dagen, var det ynskje frå gruppa om å ta...