Handballjentene var jublande glade etter to sigrar laurdag. Framme frå venstre: Stine Erstad, Yosan Ngusse og Isarlin Nødland. I midten frå venstre: Ingrid Belt og Rikke Dalen Hagen. Bak frå venstre: Emma Sofie Nesse Torgersen, Martha Nødland Austvik, Ronja Sløgedal og Mariella Thuen. (Foto: Terje Sløgedal)
Handballjentene var jublande glade etter to sigrar laurdag. Framme frå venstre: Stine Erstad, Yosan Ngusse og Isarlin Nødland. I midten frå venstre: Ingrid Belt og Rikke Dalen Hagen. Bak frå venstre: Emma Sofie Nesse Torgersen, Martha Nødland Austvik, Ronja Sløgedal og Mariella Thuen. (Foto: Terje Sløgedal)

Avslutta sesongen med dobbelsiger

Jenter 11 viste god form då sesongen vart avslutta på Os laurdag.
Publisert 09.04.2019 kl. 17.48.

– Jentene har hatt ei utruleg god utvikling, fortel Terje Sløgedal.

Han er trenar for J11-laget til Tysnes IL, som laurdag spelte sine to siste seriekampar for sesongen. Laget drog til Os idrettspark for å møta Bergen og Lysekloster, og kunne reisa nøgde heim att med to sigrar i bagasjen.

Den fyrste kampen mot Bergen vart spennande, og Tysnes sine motstandarar leia 2–4 til pause. I andre omgang snudde Tysnes kampen, og vann 6–4. Mot Lysekloster gjekk det endå betre. Tysnes-jentene leia 4–1 til pause, og vann til slutt 10–6.

– Me får til i kamp det me jobbar med på trening, og ikkje minst er dei ei flott gruppe å jobba med, seier ein nøgd trenar Sløgedal etter kampane.

Dei to kampane markerer slutten på sesongen for Jenter 11-laget, ein sesong som stort sett har vore ein gigantisk opptur. Av 15 kampar har jentene berre tapt éin. I J11-klassa vert det ikkje ført tabell, men det skal laget byrja med neste sesong, når dei vert eit J12-lag.

– Det vert spennande med tabell for fyrste gong, seier Sløgedal.

Fleire av dei same jentene som var med til Os laurdag, var også med då J12-laget til Njardar opna sesongen med siger mot Bremnes, på sjølvaste Fotballens dag.


Siste saker Gå til framsida

Lesarbrev: Hugs valdagen den 9. september

Det er ei dårleg demokratisk innstilling å ikkje stemma ved eit val. Same om du er noko ueinig med dei ulike partia, så er det alltid eit parti det kan vera greitt å gje si stemme til. Me i Tysnes FrP meiner me har eit godt valprogram, som seier noko om det som må bli betre i Tysnes kommune.Tysnes FrP er svært opptatt av at det ikkje må bli reduksjon i talet på ferjeanløp til og frå...

Klar for kommunal praksis

Jon Agnar Leirvik skal det neste halve året bu og arbeida på Tysnes, som ein del av statsvitskapsutdanninga.