VIL AUKA BEMANNING: Magnar Solheim i Tysnes FrP deler pårørande til omsorg+ sine bekymringar, og vil at kommunen skal løyva meir pengar til tenesta i revidert budsjett. (Arkivfoto)
VIL AUKA BEMANNING: Magnar Solheim i Tysnes FrP deler pårørande til omsorg+ sine bekymringar, og vil at kommunen skal løyva meir pengar til tenesta i revidert budsjett. (Arkivfoto)

Vil jobba for å løyva pengar til omsorg+

Magnar Solheim i Framstegspartiet deler omsorg+-pårørande si bemanningsuro.
Publisert 11.04.2019 kl. 06.01.

– Eit av hovudfokusa våre er at bebuarar skal føla seg trygge, seier Magnar Solheim.

I førre veke skreiv «Tysnes» om representantar for dei pårørande til bebuarar på omsorg+. Dei ynskjer meir bemanning på tenesta, spesielt på ettermiddag- og kveldstid, og trur dette mellom anna vil føra til betre trivsel og meir sosialt samvær blant bebuarane. Dei pårørande lufta den same bekymringa for kommunepolitikarane i oktober i fjor.

Solheim, som er lokallagsleiar og kommunestyrerepresentant for FrP, deler bekymringa til pårøranderepresentantane, og vil jobba for at kommunen skal løyva penger til auka bemanning på tenesta.


Vil sikra god kvalitet

– Kvaliteten i omsorgstenestene våre har vore bra, og når det no viser seg at det trengst meir bemanning på omsorg+, så må me klara å få det til, og oppretthalda kvaliteten i tilbodet, seier Solheim.

Han reagerer spesielt på historiane om bebuarar som mellom anna ikkje har fått naudsynt hjelp til toalettbesøk nattestid.

– Me ynskjer at det skal vera nattevakter som er meir tilgjengelege for omsorg+-avdelinga slik at me hindrar sånne situasjonar.

At pårørandegruppa kjem med innspel om auka bemanning, er noko han og partiet vil ta på alvor.

– Det er er viktig at me speler på lag med dei pårørande, seier han.


Inn i budsjettet

– Auka bemanning ved omsorg+ er noko me vil ha inn i revidert budsjett, og me har bede rådmannen om å laga ei sak på dette til formannskapsmøtet 2. mai, seier Solheim.

Han fortel at denne saka er noko partiet hans vil kjempa for, og han meiner at kommunen har råd til å prioritera auka bemanning.

– Helse- og omsorgstenester står sentralt i FrP sin politikk, og no vil me gjera det me kan for å få eit tilbod som er tilfredsstillande for bebuarar og pårørande, avsluttar Solheim.


Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...