BILETSERIE: Bading og gapahukopning med Blå skule

Torsdag var det duka for offisiell opning av gapahuken til Blå skule. Den har dei jobba med sidan oktober.
Publisert 12.04.2019 kl. 10.00. Oppdatert kl. 10.58.

– Eg trur dette må vera den beste jobbdagen min nokosinne, sa rektor ved Tysnes skule, Kari Pettersen.

Ikkje berre hadde ho fått unnagjort sitt første utebad for året, ho hadde òg vore med Blå skule ut i felten for første gong.

– Det var på høg tid, sa den nøgde rektoren.

Blå skule er Tysnes skule sitt alternative pedagogiske opplegg, der elevane får sjansen til å gjera meir praktisk arbeid. Mesteparten av opplegget går føre seg i båt, eller på Solstråleøya.

Rektor var invitert med til øya for å opna gapahuken Blå skule, som dei har jobba med sidan oktober i fjor.

– Den har blitt utruleg fin, sa Pettersen, og skrytte av dei unge handverkarane.

– Det er litt trist å vera ferdig med sånne prosjekt, for det er veldig kjekt å driva på med, sa Terje Sløgedal, læraren bak Blå skule.

Er du interessert i å lesa meir om dette? Sjekk ut neste utgåve av papiravisa eller e-avisa når den kjem ut.


HOPP I HAVET: I fjor utfordra Terje Sløgedal Håvard Skorpen til å bada kvar månad av skuleåret, i den tru at Skorpen kom til å gi seg. Det gjorde han ikkje. (Foto: Vetle Mikkelsen)
HOPP I HAVET: I fjor utfordra Terje Sløgedal Håvard Skorpen til å bada kvar månad av skuleåret, i den tru at Skorpen kom til å gi seg. Det gjorde han ikkje. (Foto: Vetle Mikkelsen)

Siste saker Gå til framsida

Onsdag: Ordføraren treng ei forsamling på E-brygga

Eit innlegg publisert i den offentlege Facebook-gruppa «Oppslagstavlo Tysnes» har vekt mykje nysgjerrigheit. – Hei alle saman! I morgon, onsdag 26. juni, treng eg litt hjelp frå store og små, innleiar Kleppe i innlegget som blei lagt ut tysdag kveld. Han skriv vidare at han skal vera med i eit program som skal...