TRER SNART I KRAFT: I år byrjar bålforbodet i påskeveka. (Illustrasjonsfoto)
TRER SNART I KRAFT: I år byrjar bålforbodet i påskeveka. (Illustrasjonsfoto)

Måndag byrjar bålforbodet

Publisert 13.04.2019 kl. 10.00.

I perioden 15. april til 15. september er det ikkje lov å tenna opp bål eller grill i skog eller annan utmark.

Med andre ord byrjar bålforbodet om få dagar, og det er ikkje fritt fram å grilla pølser kor som helst i påskeferien.

– Tysnes brann og redning oppfordrar alle til utvise varsomhet med bålbrenning og andre aktivitetar som kan medføre brann, skriv brannsjef Torfinn Kongsvik i ei pressemelding.

– Du kan framleis grille eller brenne hageavfall i din eigen hage eller grille på eigne stader på innmark eller i strandkanten, skriv brannsjef Kongsvik vidare.

Det er likevel tillate å fyra opp eld der det openbert ikkje kan føra til brann, men dette blir gjort på eige ansvar.

– Er du i tvil er det betre å stå over bålbrenninga, skriv Kongsvik.


Siste saker Gå til framsida

Fotominne frå Langeland

Staden er Langeland og året 1970. Hesten og den gamle slåmaskinen heldt på denne tida framleis stand i jordbruket, fortel Harry Solberg, som har sendt oss dette kjekke bildet. Det er Jens Langeland som held i taumane, og borna på høykjerra er syskena Solberg frå Odda. Har du eit bilete frå farne tider som fortener å koma på trykk? Send det til redaksjonen@tysnesbladet.no, og hugs...