I FJOR: – Gjerstad Nærradio vågar å tala dei store i samfunnet imot, fortel «radiomannen» Tore. Her frå stølsmarsjen i fjor.
I FJOR: – Gjerstad Nærradio vågar å tala dei store i samfunnet imot, fortel «radiomannen» Tore. Her frå stølsmarsjen i fjor.

Til fjells med ny nærradiosending med lokal humor

Tore Økland som Gjerstad Nærradio blir som vanleg trekkplasteret på stølsmarsjen til 333 Gjerstadstølen på skjærtorsdag.
Publisert 15.04.2019 kl. 06.00.

Tore Økland er ein mann med mange hattar i lokalsamfunnet. Ein av hattane er som radiomann for Gjerstad Nærradio.


På skjærtorsdag

I desse dagar er det eitt år sidan Gjerstad Nærradio var på lufta sist gong; på skjærtorsdag på stølsmarsjen på 333. No skal Tore på lufta igjen, også denne gongen på stølsmarsjen på skjærtorsdag.

Dei som ynskjer å få med seg humorglimta til Tore, må difor ta seg ein fjelltur – til Gjerstadstølen. Dit kjem ein seg via ein fin fottur frå Solheimsdalen, Dalen eller Våge.

På det sjølvlaga amfiet i nærleiken av der Tore har si eiga stølsbu, er det arrangementet på skjærtorsdag går føre seg. I fjor var området snødekt, og på ein strålande solskinsdag fekk fleire titals fjellentusiastar ein flott skitur til 333.

Ideen til 333 Gjerstadstølen fekk Tore for ti-tolv år sidan. Sidan har han vore leiar for Venelaget for 333 Gjerstadstølen. Han skal visstnok vera den einaste i styret også. For tida er han truleg det einaste medlemet i laget også. Eit av hovudmåla til venelaget har vore å rydda Gjerstadstølen for brakje. Her har Tore lagt ned utalege dugnadstimar, tidvis i lag med nokre av brørne. Det andre hovudmålet til venelaget er å skipa til stølsmarsj på skjærtorsdag, i år går denne for ellevte gongen.


Langvegsfarande

Alle er velkomne når Tore står fram på amfiet. Ekstra stas synest han det er når langvegsfarande påskegjester på Tysnes tek turen til Gjerstadstølen, eller når familiar med tre generasjonar legg påsketuren til 333.

Ein av dei som var på stølsmarsjen i fjor, var Arild Kvamme, som nyleg stod fram i «Tysnes» og fortalde om gebyrrekningen frå kommunen på 27.000 kroner for søknaden om ny terrasse i Gjersvik.

Det er ei sak som Tore Økland har lagt merke til.

– Det blir nok eit vers frå Gjerstad Nærradio om sjokkgebyrkravet på 27.000 for terrassesøknaden. Han treng eit trøystevers i år, fortel Tore.

I år blir det også ein liten rusletur frå sel til sel med litt historikk.


TRE GENERASJONAR: Bestefar Terje Enes frå Askøy og frå Ski utanfor Oslo, far Bjarte Enes saman med borna Helena, Julian og Rebekka på Gjerstadstølen. (Privat foto)
TRE GENERASJONAR: Bestefar Terje Enes frå Askøy og frå Ski utanfor Oslo, far Bjarte Enes saman med borna Helena, Julian og Rebekka på Gjerstadstølen. (Privat foto)
2018: Folk kosa seg på stølsmarsjen i fjor.
2018: Folk kosa seg på stølsmarsjen i fjor.

Siste saker Gå til framsida

Ingen sommar utan is

Kva is smakar best i sommarvarmen? «Tysnes» har spurt dei som kanskje er mest glade i is – barna.