KJEM TIL TYSNES: Skambankt er eit hardrockbank frå Jæren. (Foto: Eirik Halvorsen)
KJEM TIL TYSNES: Skambankt er eit hardrockbank frå Jæren. (Foto: Eirik Halvorsen)

Skambankt «unplugged» på Tysnessåto

Torsdag 11. juli blir det invitert til såtekonsert for sjette gong.
Publisert 16.04.2019 kl. 21.00.

Tysnesfest har tidlegare meldt at rockelokomotivet Skambankt kjem til Gjerstad 12. juli. No er det også klart at bandet skal underhalda på Tysnessåto, dagen før.

– Etter seks studioalbum, mange konsertar i inn- og utland, og 25 år med rock av den harde sorten, har bandet no bestemt seg for å gje seg sjølv ei utfordring; å spela inn album og tolka seg sjølv med eit akustisk utgangspunkt, melder Tysnesfest i ei pressemelding.

Festivalen er ein av svært få som får lov å setja opp Skambankt «unplugged» i år – altså akustisk. Men det gjeld berre såtekonserten, på Gjerstad er det lova «full fyr».


Pioner-band

Skambankt blei starta på tilfeldig vis i 1994, då eit anna band ikkje kunne stilla til avtalt spelejobb. I løpet av nokre timar hadde bandmedlemmane skrive ni songar som blei framført same kveld. I dag er dei rekna som ein av pionerane i Norge innan hardrock-sjangeren.

Ifølgje Tysnesfest skal låtane på Skambankt sitt nye album (og konserten på Såto) brytast heilt ned, for så å byggjast opp igjen på ny. Frøet blei sådd for nokre år sidan, på ein velgjerande konsert på Bryne. Her takka Skambankt for aller fyrste gong ja til å spela låtane sine med akustiske instrument.

Konserten vart svært godt motteken, og dei bestemte seg same kveld for at dei måtte gjera noko meir med denne ideen.


– Ei anna drakt

– Dei aller fleste låtane til Skambankt blir til på ein kassegitar, så då er det ikkje heilt unaturleg at dei vil funka i ei anna drakt enn den folk er blitt vane med å høyra. Bandet er spesielt kjend for melodi, harmoni og tekst, og desse elementa kjem ekstra godt fram når arrangementa opnar seg opp og gjev plass i lydbildet, skriv Tysnesfest.

Tradisjonen med såtekonsert under Tysnesfest starta faktisk med rock, då Oslo Ess spelte for 650 publikummarar i 2014. Sidan den gong har publikumstalet auka gradvis, og dei siste åra har svimlande 2.400 teke turen til Såto.

– Alt ligg til rette for at det blir folksomt til fjells i år og, skriv festivalen.


Siste saker Gå til framsida

Norled selt til utanlandske eigarar

I ei pressemelding måndag melde ferjeselskapet Norled at selskapet får nye eigarar. Det er Det Stavangerske Dampskibsselskap (DSD) som har eigd alle aksjane, og som no sel desse.Det er det kanadiske selskapet CBRE Caledon Capital Management og det nordiske infrastrukturfondet Capman Infra som tek over eigarskapet i Norled, og som kjøper 50 prosent av aksjane kvar. Kjøpesummen er ikkje...

Kommunestyret sa ja til Mestringshusene

Kommunestyret fatta tysdag i førre veke endeleg vedtak kring den gamle sjukeheimen i Uggdal, som rusbehandlingsinstitusjonen Mestringshusene har vist interesse for å bruka som behandlingslokale.For to veker sidan vart formannskapet...

Lesarbrev: Ein veg til besvær

Gjennom lokalavisa «Tysnes» og folkevalde organ, er det retta stor interesse mot vegutviding for gang- og sykkelveg og køyrefelt med gul midtstripe i vegen, mellom Våge og Uggdal. Størst merksemd er retta mot Dallandsbrekka, som strekkjer seg frå vegkryss inn til Windsor og byggefelta i Vågsmarka. Dallandsbrekka er ein veg med bratt stigning på seks-sju prosent i veglengde på 850 meter, før...