HUGNAD FOR DUGNAD: Marcus Dalland og Trond jobbar for å rusta opp E-brygga i Våge.
HUGNAD FOR DUGNAD: Marcus Dalland og Trond jobbar for å rusta opp E-brygga i Våge.

– Det handlar om å laga eit levande samfunn

Dugnaden for å rusta opp E-brygga er komen godt i gang, men framleis er det plass til fleire frivillige.
Publisert 17.04.2019 kl. 10.24.

– No er det eigentleg siste innspurten av dei store prosjekta her, seier Marcus Dalland.

Han jobbar dugnad, for å rusta opp E-brygga i Våge. Den siste tida har det vore fleire innom brygga for å hjelpa til; Dalland og kameraten Trond Tvedt er blant dei som har vore fast inventar på dugnaden.

– Me kler skjørt, og så har me trekt straum og vatn, fortel Tvedt.

– Me har spikra 550 meter med ståande kledning, seier Tvedt.

No står fortøying, spyling og beising av brygga att.

– Den skal stå lenger ute enn den gjer no. Det kjem òg ein svær gangbru, tre meter brei, seier Dalland.

– Det er eit veldig kjekt prosjekt, legg Tvedt til.


Kjekt prosjekt

– Kva er motivasjonen dykkar, for å driva med dugnadsarbeid?

– Bygdeutvikling, svarer Dalland.

– Det handlar om å laga eit levande samfunn, seier Tvedt.

Dei har tru på at brygga vil vera med på å gjera Våge endå meir attraktiv for båtturistar.

Tiande juni skal brygga stå klar, men dei to dugnadsarbeidarane reknar med at den er ferdig tidlegare.


Viktig for Tysnesfest

Også Øystein Vaage, dagleg leiar i Tysnesfest, er med på dugnaden.

– Kva vil dette arbeidet ha å seia for Tysnesfest?

– Veldig mykje. Bryggekapasiteten under festivalen har alltid vore god, men fordelen no er at me sparer fire veker med rigging, svarer festivalsjefen.

Han meiner den store straumen av arbeidsvillige folk den siste tida viser at dugnadsånda ikkje er daud.

– Det er eigentleg ganske fantastisk, seier Vaage.

– Viss fleire har lyst til å hjelpa til, er det berre til å koma. Me er ikkje ferdige heilt endå.


Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...