PRISVINNARAR: Tysnesingane Trude Lande (nummer to frå venstre) og Ellinor Epland (nummer tre frå høgre) er ein del av teamet som vann pris i Kroatia for aksjonen som redda kanadiske Jurgen Klaus (til venstre) frå ein bresprekk på Folgefonna. (Foto: Vest Politidistrikt)
PRISVINNARAR: Tysnesingane Trude Lande (nummer to frå venstre) og Ellinor Epland (nummer tre frå høgre) er ein del av teamet som vann pris i Kroatia for aksjonen som redda kanadiske Jurgen Klaus (til venstre) frå ein bresprekk på Folgefonna. (Foto: Vest Politidistrikt)

Tysnesingar vann internasjonal redningspris

Trude Lande og Ellinor Epland var med i teamet som redda Jurgen Klaus på Folgefonna, og vart sist veke heidra på prisutdeling i Kroatia.
Publisert 18.04.2019 kl. 15.00.

– Det er heilt surrealistisk, fortel Trude Lande.

I fjor sommer var ho og Ellinor Epland ein del av teamet til Vest politidistrikt som redda kanadiaren Jurgen Klaus frå ein bresprekk på Folgefonna. Onsdag vart innsatsen heidra med pris under den prestisjetunge prisutdelinga 112 EENA Awards i Kroatia.


Intens redningsaksjon

Det var 30. juli i fjor at Vest politidistrikts operasjonssentral vart kontakta av eit naudanrop frå Folgefonna. Jurgen Klaus (75) hadde falle ned i ein bresprekk då han ringte naudnummeret med berre 30 prosent straum igjen på mobiltelefonen.

På jobb ved operasjonssentralen var mellom anna tysnesingane Trude Lande og Ellinor Epland, og Trude fortel at det var ein intens kamp for å finna kanadiaren på den store breen.

– Me fekk tre helikopter opp i området, medan me beholdt telefonkontakten med Jurgen, fortel Trude.

Sidan ingen visste kvar Jurgen befant seg, var tanken at han skulle lytta etter helikoptera, og kommunisera vidare med operasjonssentralen dersom han høyrde noko. Det viste seg derimot å vera vanskeleg å vita kva heilkopter Klaus høyrde til einkvar tid.

– Då sende me to av helikoptera på bakken igjen, forklarar Trude.

Med minskande batteritid på mobilen, klarte Jurgen til slutt å høyra helikopteret. Sjølv om redningsarbeidarane ikkje var sikre på nøyaktig kor kanadiaren befant seg, beslutta dei å setja helikopteret ned, og fortsetja søket til fots.

Søket var vellukka og Jurgen vart funnen i siste liten.

– Han hadde berre ein prosent med straum igjen på mobilen då han vart funnen, seier Trude.


Prisutdeling

Redningsaksjonen på Folgefonna førte til at politigruppa vart nominert til pris under prisutdelinga 112 EENA Awards, som skulle delast ut i Kroatia.

– Det var kjekt å verta nominert, og me gleda oss til turen, fortel Trude.

Endå større stas vart for gjengen då dei fekk vita at det var dei som vann prisen i kategorien PSAP (Public Safety Answering Point) Achievment Award.– Me skjønte etterkvart at det var me som kom til å vinna, og me vart heilt euforiske, fortel Trude.

I tillegg fekk Linda Mari Hammersland, som var den på operasjonssentralen som hadde mest telefonkontakt med Jurgen under rednindsaksjonen, også si eigen pris.

Ho fekk utmerkinga «Exceptional Call Taker Award», og fekk prisen overrekt av Jurgen sjølv, som hadde teke turen heilt frå Canada for å overrekka prisen.

Det var fyrste gong dei traff kanadiaren sidan redningsaksjonen i juli.– Det var ganske rørande. Eg felte ei tåre då Jurgen kom på scena og delte ut prisen, fortel Trude.


I godt selskap

Pristildelinga er ei solid stadfesting på den innsatsen operasjonssentralen la ned for å redda Jurgen. I Kroatia vart mange store redningsdådar heidra, mellom anna fekk Thailands Navy Seal ein pris for arbeidet med å redda eit lokalt fotball-lag frå Tham Luang-grotta i Thailand. Dette var eit redningsarbeid som fekk stor internasjonal mediedekke.

– Det er stort å få pris i det selskapet, seier Trude.

Sjølv om prisen gjekk til operasjonssentralen sin innsats under redningsaksjonen, er Trude oppteken av å framheva alle dei involverte partane som deltok i aksjonen, mellom anna Hordaland alpine redningsgruppe.

Trude trur også prisen er viktig for å visa fram arbeidet til dei som er involvert i redningsarbeid på vestlandet.– Eg trur prisen er eit løft for heile politidistriktet, og det viser at me er gode på redningsaksjoner, fortel ho


REDNINGSAKSJON: Tre timar tok det å lokalisera Jurgen på Folgefonna, men han vart funnen og ulukka enda godt. (Foto: Hordaland alpine redningsgruppe)
REDNINGSAKSJON: Tre timar tok det å lokalisera Jurgen på Folgefonna, men han vart funnen og ulukka enda godt. (Foto: Hordaland alpine redningsgruppe)

Siste saker Gå til framsida

TIX til Tysnesfest 2020

Tysnesfest ligg ikkje på latsida. Dagen etter at festivalen er over, slepper dei den første artisten til neste års festival.

– Dei er sjukt vittige!

Det seier Frida Walde om Ausekarane. Fredag hadde ho og broren Mikkel sikra seg plass heilt fremst ved scenen til årets show.

Debatt: Nei til vindmøller i Tysnesfjella!

Store delar av Tysnes er inkludert i NVE sitt forslag til nasjonal ramme for vindkraft. Tysnes Ap meiner at det ikkje skal byggjast vindmøller i Tysnes kommune.Me er ein relativt liten kommune, med variert natur frå fjord til fjell. Fjellheimen vår er å betrakta som eit einaste stort naturreservat, med eit rikhaldig dyre- og fugleliv.Vindmøller verkar spesielt øydeleggjande for...