BLODIGE FAKTA: Ingelin Røssland er ute med ny faktabok. (Bilete: Gyldendal)
BLODIGE FAKTA: Ingelin Røssland er ute med ny faktabok. (Bilete: Gyldendal)

Lettlesen Røssland-bok om blod

I fjor skreiv Ingelin Røssland si første faktabok om kroppen. Det gav blod på tann.
Publisert 24.04.2019 kl. 06.00. Oppdatert kl. 08.40.

Tysnes-forfattar Ingelin Røssland følger opp forårets «Hårete fakta» med ei ny faktabok om kroppen. Denne gongen er det blodet, den livgivande eliksiren som fløymer gjennom årene våre, som står for tur.

Boka heiter «Blodige fakta» og har lansering i dag onsdag. Den er ein del av Gyldendal sin «LESEBRA»-serie, ein serie for dei ferskaste lesarane. Språket som blir nytta er enkelt og lettleseleg, og høver derfor godt til formålet. Boka er skriven på bokmål.

Til liks med faktaboka frå i fjor, er òg denne boka illustrert med artige og fargerike teikningar frå Jenny Jordahl. Ho er blant anna kjent for teikneseriebloggen «Livet blant dyrene», i tillegg til fleire feministiske boksamarbeid med forfattar og samfunnsdebattant Marta Breen.

Røssland tar føre seg både det grunnleggande om blod, og det ein kan kalla artige fakta om den raude kroppsvæska. Ho er inne på både funksjonen blod har i kroppen, mensen, vampyrar og blod-drikkande vikingar.

Også eldre lesarar vil kunna læra noko nytt frå boka; veit du for eksempel kor mange kilometer blodårer eitt menneske har?

Med ein fin balanse mellom små, lettlesne tekstbolkar og iaugefallande illustrasjonar, vil boka gjera seg godt i hyllene til småbarnsfamiliar landet rundt.


Siste saker Gå til framsida

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...