3 POENG: Denne gjengen var godt nøgd etter sigeren mot Os tysdag. (Foto: Trine-Lise Aasen)
3 POENG: Denne gjengen var godt nøgd etter sigeren mot Os tysdag. (Foto: Trine-Lise Aasen)

– Spelte sin beste kamp nokosinne

Jenter 13-laget opna fotballsesongen med siger mot Os.
Publisert 26.04.2019 kl. 17.01.

– Me er med i 1. divisjon for fyrste gong, så det er veldig spennande å sjå korleis det vil gå, fortel Knut Nesse, trenar for Njardar/Tysnes sitt J12-lag.

Og laget til Nesse fekk i alle fall ein best mogleg start på sesongen då dei tysdag reiste over Bjørnafjorden for å møta Os. Med seg heim att hadde jentene ein flott 4–1-siger.

– Det var veldig bra. Då veit at me høyrer heime i denne divisjonen, seier trenaren.

Han er full av lovord om kampen.

– Eg vil seia at dei spelte sin beste kamp nokosinne. Det var god stemning på turen heim.

Førstkomande tysdag er det klart for den andre kampen denne sesongen, og den fyrste på heimebane for Jenter 13. Då kjem Åsane på besøk, noko Nesse trur kan verta ein tøffare kamp.

– Trenaren til Os fortalde at Åsane var det beste laget i divisjonen i fjor, fortel han.

Han trur kampen mot Åsane vert spennande, og håpar at laget kan bita godt frå seg.

– Styrken i laget er at det er jamgode spelarar, og det gjer at alle bidreg godt. Det er veldig kjekt å vera trenar for jentene, avsluttar Nesse.


Siste saker Gå til framsida

Ynskjer ekstra omsorgsbemanning

Budsjettforhandlingane er godt i gang, og i formannskapet måndag tok Arne Leite (Sp) og Anne Merete Fjeldstad (Ap) til orde for å sjå på høva for å få fleire stillingar inn i omsorgstenestene.