DUELLAR: Terje Hagen måtte fleire gongar i duell med tidlegare Njardar-spelar Arild Ebbesvik, som var nære på å scora mot gamleklubben laurdag.
DUELLAR: Terje Hagen måtte fleire gongar i duell med tidlegare Njardar-spelar Arild Ebbesvik, som var nære på å scora mot gamleklubben laurdag.

Tapte lokaloppgjeret

Njardar fekk det tøft i serieopninga mot Eikelandsfjorden laurdag.
Publisert 27.04.2019 kl. 20.02. Oppdatert kl. 20.24.

Skyene låg gråe over Reiso laurdag ettermiddag, og serieopninga i 6. divisjon mellom Njardar/Tysnes og Eikelandsfjorden vart ein regntung affære. Regnet hindra likevel ikkje kring 85 ivrige tilskodarar frå å møta fram og støtta gultrøyene i kampen om ein perfekt start på sesongen.

Det var på førehand knytt stor spenning til lokaloppgjeret mot gjengen frå Fusa, og kva nivå Njardar vil møta i 6. divisjon.


Opna godt

Som forventa av ein serieopning mellom to lokale lag, vart det både ein jamn og intens kamp. Begge laga var heltente frå start av, men det var heimelaget Njardar som opna aller best.

I løpet av dei fyrste ti minutta hadde både Magnus Hjartåker Bakke og Didrik Milde Thorbjørnsen kvar sin store sjanse til å senda heimelaget i leiinga. Eikelandsfjorden kom raskt inn i kampen og hadde også gode sjansar tidleg i omgangen.

Det var likevel Njardar som fyrst fekk ballen i mål. Etter eit innkast i det 22. minutt klare heimelaget å leggja press mot 16-meteren til Eikelandsfjorden. Ballen hamna til slutt hos Aksel Lande som kontrollert sette ballen i mål, og sende gultrøyene i føringa.


Bortelaget svarte

Karane frå Eikelandsfjorden svarte på målet, og klarte å pressa Njardar tilbake på banen. I det 25. minutt kjem eit forvarsel då tidlegare Njardar-spiss Arild Ebbesvik fyrte av eit skot som gjekk like utanfor stolpen til Njardar-keeper Kjartan Hagen.

Fire minutt seinare kom Eikelandsfjorden farleg frampå på venstre side, og ein av dei raudkledde fekk putta ballen i mål bak keeper Hagen.

Ein tett, jamn og intens fyrsteomgang enda 1–1.


Press frå Eikelandsfjorden

Den andre omgangen starta slik den fyrste omgangen slutta. Tøffe duellar og god innsats er beskrivande for starten av omgangen, og i løpet av dei fyrste minutta hadde begge lag store målsjansar.

Etter kvart var det bortelaget som fekk tileigna seg eit spelemessig overtak, og sette inn eit massivt press mot Njardar-målet. Det endar i eit skot frå hjørnet av 16-meteren som skrudde rundt Hagen i Njardar-målet, og opp i lengste hjørne. Dermed hadde bortelaget snudd kampen, og leia 1–2.

Njardar kjempa vidare, men sleit med å skapa dei store målsjansane. Mot slutten av kampen klarte heimelaget å byggja opp eit visst press mot Eikelandsfjorden-målet, men i Njardar sin jakt på utlikning, fekk bortelaget store rom å kontra i. Med fem minutt igjen av kampen kom dei raudkledde på ein farleg overgang som enda 1–3-leiing.

Det såg tungt ut for Njardar-herrane, men dei forsette å kjempa, men på overtid var det spikeren i kista då bortelaget fekk straffespark. Straffen vart kontrollert sett i mål, og sluttresultatet vart fastsett til 1–4.


Held nivået

Det var ein nedstemt Njardar-gjeng som gjekk i garderoben då dommaren blåste av etter 90 minutt, men trenar Raymond Epland tek tapet med fatning.

– Det er sjølvsagt kjedeleg, men eg føler at det var jamt, og det kunne like godt enda i vår favør. Hadde me scora på sjansane våre i starten av kampen, så kunne ting sett annleis ut, seier han.

Kampen mot Eikelandsfjorden markerte Njardar sin retur til 6. divisjon, og trenaren føler laget takla nivået greitt.

– Me gjorde oss ikkje vekk. Fortsette me slik, så trur eg me skal klara oss greitt i 6. divisjon.

Epland ser likevel at det er ting å forbetra i spelet.

– Det er små ting me må jobba vidare med. Mellom anna må me ha endå meir nøyaktigheit i spelet, fortel han.

Kjartan Hagen støtta analysen til Epland.

– Det var ikkje skremmande nivå på motstandarane. seier han.

I tillegg til å vera fyrstevalet mellom stengene for Njardar, er han også med i trenerteamet saman med Epland denne sesongen. Han fortel at det har vore ein tøff opplading til sesongen, mellom anna med mange skadar i laget.

– Me tanke på den oppladinga me har hatt, så trur eg ikkje me skal deppa over dette resultatet, seier han.

– Og det er godt å vera i gang med sesongen, legg Epland til.


Kampfakta:

Njardar/Tysnes - Eikelandsfjorden

27.04.10, 15:30, Reiso kunstgras

Resultat: 1 – 4 (1 – 1)

Målscorar Njardar: Aksel Lande

Startoppstilling Njardar: Kjartan Hagen, Birger Gilje, Terje Hagen, Ørjan Malkenes, Fahri Akyuz, Børge Pedersen, Magnus Hjartåker Bakke, Øyvind Helvik, Didrik Milde Thorbjørnsen, Emre Hagen

Innbyttarar: Heine Henanger, Lasse Aarland Skulstad, Alexander Gjerstad Kleppe

Les også kva slags motstandarar a-laget får bryna seg på denne sesongen.




LOKALOPPGJER: Laurdag spelte Njardar/Tysnes sitt a-lag fyrste kamp for sesongen. Det enda med tap for Fahri Akyuz (t.v.) og resten av dei gulkledde.
LOKALOPPGJER: Laurdag spelte Njardar/Tysnes sitt a-lag fyrste kamp for sesongen. Det enda med tap for Fahri Akyuz (t.v.) og resten av dei gulkledde.
UNGGUT: Ein av Njardar sine nykommarar, 15 år gamle Emre Hagen, starta som spiss for Njardar, og fekk dermed sin seriedebut for a-laget.
UNGGUT: Ein av Njardar sine nykommarar, 15 år gamle Emre Hagen, starta som spiss for Njardar, og fekk dermed sin seriedebut for a-laget.
HEIMKOMST: Magnus Hjartåker Bakke gjorde comeback for Njardar laurdag, og fekk skryt av trenar Epland for innsatsen på midtbanen.
HEIMKOMST: Magnus Hjartåker Bakke gjorde comeback for Njardar laurdag, og fekk skryt av trenar Epland for innsatsen på midtbanen.
VETERAN: Børge Pedersen har passert 50 år, men er likevel ein av nøkkelspelarane for Njardar.
VETERAN: Børge Pedersen har passert 50 år, men er likevel ein av nøkkelspelarane for Njardar.
MELLOM STENGENE: Spelande trenar og keeper Kjartan Hagen fekk mykje å gjera i kampen mot Eikelandsfjorden. Her stoppar han ein god sjanse for bortelaget i andre omgang.
MELLOM STENGENE: Spelande trenar og keeper Kjartan Hagen fekk mykje å gjera i kampen mot Eikelandsfjorden. Her stoppar han ein god sjanse for bortelaget i andre omgang.
ERFAREN SPISS: Njardar-spiss Didrik Milde Thorbjørnsen vart toppscorar for tysnesingane førre sesong, men fekk ikkje opna målkontoen i 6. divisjon i fyrste kamp denne sesongen.
ERFAREN SPISS: Njardar-spiss Didrik Milde Thorbjørnsen vart toppscorar for tysnesingane førre sesong, men fekk ikkje opna målkontoen i 6. divisjon i fyrste kamp denne sesongen.
BLUSS: Bortesigeren vart feira med bluss frå nokon ivrige bortesupportarar etter kampen.
BLUSS: Bortesigeren vart feira med bluss frå nokon ivrige bortesupportarar etter kampen.
DEBUTANT: Birger Gilje deburte for Njardar, og var mykje involvert i spelet frå høgreback.
DEBUTANT: Birger Gilje deburte for Njardar, og var mykje involvert i spelet frå høgreback.

Siste saker Gå til framsida

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...