FRUSTRERT: Asbjørn Myklestad (Ap) saknar prioritering av trafikksikringstiltak i kommunen.
FRUSTRERT: Asbjørn Myklestad (Ap) saknar prioritering av trafikksikringstiltak i kommunen.

Etterlyser trafikksikringstiltak

Asbjørn Myklestad (Ap) er kritisk til det han meiner er manglande prioritering av trafikksikkerheit frå kommunen si side.
Publisert 10.05.2019 kl. 15.00.

– Hovudsaka er at me laga ein trafikksikringsplan for snaue to år sidan. Den har blitt liggjande i skuffa, seier Asbjørn Myklestad (Ap).

Han etterlyser at tiltaka i planen blir prioritert i budsjetta til kommunen.

– Folk spør meg om kva det blei til med desse tiltaka, fortel arbeidarpartipolitikaren.

– Det er kommuneleiinga som må ta initiativet, og leggja fram noko for oss politikarar, så me kan få inn ting i budsjettet.


Ikkje tydelege nok

Ifølge Myklestad står det i trafikksikringsplanen at trafikksikring skal vera ein eigen post i kommunen sine budsjett.

– Eg kan ikkje seia at me har vore tydelege nok på dette i budsjett og økonomiplan. Det einaste eg kan sjå no er at det i økonomiplanen er lagt inn fortau i byggefeltet i Vågsmarka, seier Myklestad.


Etterlyser fleire prosjekt

Lokalpolitikaren nemner fleire tiltak han gjerne skulle sett prioritert:

– Me må få i gang ein sykkelveg frå omsorgssenteret og ned til fylkesvegen. Det er ein ting som har vore omtalt fleire gongar, seier han.

Han nemner òg det planlagde fortauet langs fylkesvegen på Onarheim, sykkelveg mellom Uggdal og Våge, og sikring med gjerde ved gangvegen nedanfor Tysnes skule. I tillegg er det, ifølge Myklestad, fleire dårlege vegparti på fylkesveg 49 og fylkesveg 79.

– Sykkelvegen Uggdal-Våge er eit av dei store prosjekta som må prioriterast. Det er ein brei politisk konsensus om at dette ønsker me å gjera, held politikaren fram.


Må takast opp

– Dette er noko me må ta opp. Me må etterlysa det. No er det tid for å etterlysa det, det er gått halvtanna år sidan planen blei vedtatt, seier Myklestad.

Han legg til at Arbeidarpartiet på Tysnes vil jobba aktivt med trafikksikringsplanen.

– Det er mange ting i den planen, og me har sjølvsagt ikkje midlar til å få utført alt, men i og med at det er vedtatt ei prioriteringsliste, må ein begynna å førebu prioriterte tiltak, meiner Myklestad.

Han meiner òg at fleire av tiltaka skal leggjast fram for Statens vegvesen:

– Med referanse til tekst og tabellar i planen, så er det tydelig at både Statens Vegvesen og kommunen, og i mange høve fylkeskommunen, alle har ansvar for finansiering og utføring, seier Myklestad.

– Men det er kommuneleiinga som må leggja dette fram for politikarane. Det er ikkje nok å nemna det under ymse. Her må det gjerast eit arbeid.


Siste saker Gå til framsida

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...