I DAG: Slik ser konfirmantane ut no. Frå venstre, bakerste rad først: Hildegunn Malkenes, Torhild Singelstad, Oddvar Lunde, Øyvind Epland,Gunnar Lunde, Torill Sandvik Henanger, Elisabeth Godøy, Bodil Frugård, Anna Jorunn Maurangsnes Hansen, sokneprest Marit Isaksen Espedalen, Hildbjørg Grøteide Kopperud, Sigrid Helen Godøy Hope, Reidun Storetvedt Fedøy, Olaug Frugård Dalsgård, Martha Lunde Pedersen, Mariann Malkenes, Anna Dalland Sjøvold og Bjørg Fosse Spånberg. (Foto: Morten Haaland)
I DAG: Slik ser konfirmantane ut no. Frå venstre, bakerste rad først: Hildegunn Malkenes, Torhild Singelstad, Oddvar Lunde, Øyvind Epland,Gunnar Lunde, Torill Sandvik Henanger, Elisabeth Godøy, Bodil Frugård, Anna Jorunn Maurangsnes Hansen, sokneprest Marit Isaksen Espedalen, Hildbjørg Grøteide Kopperud, Sigrid Helen Godøy Hope, Reidun Storetvedt Fedøy, Olaug Frugård Dalsgård, Martha Lunde Pedersen, Mariann Malkenes, Anna Dalland Sjøvold og Bjørg Fosse Spånberg. (Foto: Morten Haaland)

Feira 50-årsjubileum for konfirmasjonen

Søndag feira 1969-konfirmantane at det i år er 50 år sidan dei konfirmerte seg.
Publisert 02.05.2019 kl. 11.00. Oppdatert kl. 13.54.

– Me konfirmerte oss 28. april for 50 år sidan, seier Elisabeth Godøy, ei av årets konfirmantjubilantar.

Totalt var dei 24 konfirmantar den aprildagen i 1969. Sidan den gong har to gått bort, og fem kunne ikkje koma på jubileumsfeiringa. Dermed var dei 18 stykk i kyrkja søndag.

– Presten sa at sidan me var 17 stykk, så hadde me det beste frammøtet ho hadde hatt på desse femtiårsjubilea, seier Godøy.

Det har Sigrid Hope, søster til Godøy mykje av æra for. Ho har nemleg jobba mykje med å mobilisera jubilantane, i forkant av jubileet.


Annleis før i tida

– Korleis hugsar du sjølve konfirmasjonen?

– Det var veldig alvorleg. Det var eit heilt anna opplegg då enn no. Me måtte stå skulerett og svara, svarer Godøy.

– Me hadde ein veldig flott prest i Alv Askeland, me var veldig begeistra for han, men det var annleis då, legg ho til.


Deltok i gudsteneste

– Det var veldig kjekt. Det er åtte av oss som faktisk bur på Tysnes endå, fortel Godøy.

Sjølv er oslobuaren moglegvis den som har flytta lengst vekk; dei fleste av jubilantane bur i Hordaland og Rogaland.

– Me fekk beskjed om at me skulle delta i ei gudsteneste med barnedåp, seier ho vidare.

To av konfirmantjubilantane las opp ein tekst under gudstenesta. I tillegg blei «Hurra for deg» sunge under tenesta, ettersom ei av dei, Bjørg Fosse Spånberg, hadde bursdag.


Middag på Mandelhuset

Seansen i kyrkja blei etterfølgt av ein middag på Mandelhuset.

– Skravla gjekk til klokka var halv fem, det var mange som hadde mykje på hjarta, avslører Godøy.

– Var det verdt å komma heim for?

– Det var storarta. Verkeleg verdt å komma heim for, svarer Godøy.


DEN GONGEN: Slik såg dei ut på konfirmasjonsdagen. Dan Åge Mortensen, Kåre Anglevik, Oddvar Lunde, Gunnar Lunde, Eivind Dalland, Bente Karin Korsnes Roen, Torhild Singelstad, Hildegunn Malkenes, Øyvind Økland, Øyvind Epland, Torill Sandvik Henanger, Jannicke Frugård, Elisabeth Godøy, Reidun Storetvedt Fedøy, Bodil Frugård, Anna Jorunn Maurangsnes Hansen, Hildbjørg Grøteide Kopperud, Sigrid Helen Godøy Hope, Olaug Frugård Dalsgård, Nillveig Linde, Martha Lunde Pedersen, Mariann Malkenes, Anna Dalland Sjøvold og Bjørg Fosse Spångberg. (Foto: Privat)
DEN GONGEN: Slik såg dei ut på konfirmasjonsdagen. Dan Åge Mortensen, Kåre Anglevik, Oddvar Lunde, Gunnar Lunde, Eivind Dalland, Bente Karin Korsnes Roen, Torhild Singelstad, Hildegunn Malkenes, Øyvind Økland, Øyvind Epland, Torill Sandvik Henanger, Jannicke Frugård, Elisabeth Godøy, Reidun Storetvedt Fedøy, Bodil Frugård, Anna Jorunn Maurangsnes Hansen, Hildbjørg Grøteide Kopperud, Sigrid Helen Godøy Hope, Olaug Frugård Dalsgård, Nillveig Linde, Martha Lunde Pedersen, Mariann Malkenes, Anna Dalland Sjøvold og Bjørg Fosse Spångberg. (Foto: Privat)

Siste saker Gå til framsida

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...