TIL TYSNESFEST: Löv vert omtala som ei supergruppe, og består av Øystein Skar og Marte Eberson som tidlegare spelte i Highasakite, samt «The Voice»-vinnar Martin Halla. (Foto: Helge Brekke)
TIL TYSNESFEST: Löv vert omtala som ei supergruppe, og består av Øystein Skar og Marte Eberson som tidlegare spelte i Highasakite, samt «The Voice»-vinnar Martin Halla. (Foto: Helge Brekke)

To nye Tysnesfest-slepp

Supergruppe beståande av tidlegare Highasakite-medlemar og ein «The Voice»-vinnar er klar for Gjerstad arena i juli.
Publisert 04.05.2019 kl. 12.00.

To nye band er klare for Tysnesfest. Det melder dagleg leiar Øystein Vaage i ei pressemelding. Banda som er bekrefta for Gjerstad arena er supergruppa Löv, og det bergenske funkpop-bandet Shuffle baby.


Supergruppe

Löv, som står på scena torsdag under Tysnesfest, er danna av to tidlegare medlemar av Highasakite. Highasakite har vore på Tysnesfest to gongar tidlegare, i 2015 og 2017. Sidan den gong har Øystein Skar og Marte Eberson forlate bandet, og danna gruppa Löv saman med Martin Halla, som i 2012 vann TV2-programmet «The Voice».

«I november i fjor slapp dei to popperler «Superhuman» og «That Wasn`t Easy» som begge vart kritikerrosa. Sjølv om dei har funne ein særeigen sound er det ikkje vanskelig å høyra kor stor del av Highasakite Marte og Øystein har vore», skriv Vaage i pressemeldinga.


80-talsstil

Det andre artistsleppet er gruppa Shuffle Baby frå Bergen, som består av trioen Jonas Hellesøy, Erlend Aarli og Truls Prestegard.

«Shuffle Baby er eit fersk og up&coming poptrio frå Bergen som lagar særeigen og breial funkpop, inspirert av 80-talets mest skamlause dance, pop, soul og electrofunk», står det i pressemeldinga.

Gruppa har allereie fått internasjonal anerkjenning for deira unike 80-talssound, og nettstaden Ear To The Ground Music beskriv låta «Get That Gold» som ein låt som kunne sklidd rett inn i den originale «Ghostbusters»-filmen.

Shuffle Baby skal opna kvelden på Gjerstad laurdag under Tysnesfest.

LES OGSÅ: Blomster-Finn til Bermudateltet


Programmet stort sett klart

Artistprogrammet til Tysnesfest er dermed i ferd med å fyllast opp, men Øystein Vaage fortel til «Tysnes» at dei framleis jobbar med å booka artistar, og han håpar å lansera ein godbit eller to til før festivalen. Han er samtidig særs god nøgd med dei artistane som er klare for festivalen.

– Eg synast sjølv det er ein ekstremt bra line-up, og me har fått gode tilbakemeldingar frå publikum. Me har gode artistsamansetningar dag for dag, og også festivalen sett under eitt, fortel Vaage.

Torsdagen vert headlina av D.D.E., i tillegg til Åge Aleksandersen & Sambandet. Samtidig er dette også dagen då kvartetten LIND+NILSEN+FUENTES+HOLM gjer sitt Tysnesfest-comeback.

På fredagen kan nostalgikarane oppleva 70-talsheltane i 10CC, før rockarane i Skambankt inntek scena. Skambankt har ikkje vore på Tysnesfest tidlegare, men frontfigur Terje Winterstø Røthing var ein del av Kaizers Orchestra, som spelte på Gjerstad i 2012. Skambankt skal også stå for såtekonserten i sommar.

Resten av fredagen består mellom anna av dei norske anerkjende artistane Aurora og Matoma, samt ti år gamle DJ Axillar.

På laurdagen vert det høg partyfaktor når mellom anna Ina Wroldsen, Kjartan Lauritzen og Broiler står på scena.


Godt billettsal

I det «Tysnes» pratar med Øystein Vaage, har Tysnesfestgjengen nettopp hatt ein gjennomgang av billettsalet, og Vaage kan opplysa om at stoda er god så langt.

– Me ligg betre an med billettsalet i år enn både i fjor og i rekordåret 2017. Det ser ut til å verta folksamt, fortel ein blid dagleg leiar.

Han er godt nøgd med korleis det ligg an, spesielt med tanke på underskotet festivalen hadde i 2018.

– Alle festivalar går i bølgedalar, men eg er veldig glad for at me ligg godt an i år. Det betyr likevel ikkje at me kan liggja oss på latsida. Me jobbar framleis hardt for å laga til ein god festival, avsluttar Vaage.

LES OGSÅ: Den nye Tysnesfest-programleiaren testa «Ta Sjansen»-båtane til Tysnes Industri


FRÅ BERGEN: Gruppa Shuffle Baby vert beskrive som funkpop med inspirasjon frå 80-talet. (Pressefoto)
FRÅ BERGEN: Gruppa Shuffle Baby vert beskrive som funkpop med inspirasjon frå 80-talet. (Pressefoto)
PROGRAM: Dei fleste artistane er på plass til Tysnesfest 2019, og dagleg leiar Øystein Vaage er godt nøgd med artistsamansetninga. (Foto: Tysnesfest)
PROGRAM: Dei fleste artistane er på plass til Tysnesfest 2019, og dagleg leiar Øystein Vaage er godt nøgd med artistsamansetninga. (Foto: Tysnesfest)
LIGG GODT AN: Øystein Vaage fortel at billettsalet så langt ligg framfor rekordåret 2017. (Arkivfoto)
LIGG GODT AN: Øystein Vaage fortel at billettsalet så langt ligg framfor rekordåret 2017. (Arkivfoto)

Siste saker Gå til framsida

Godøysund var draumeplassen for mange

Rita Steckmest Sivertsen (52) vaks opp med somrane på Godøysund og hotellet der då familien eigde det. No har ho, broren Tom og mannen hennar, Nils Petter Sivertsen, kjøpt tilbake Godøysund og vil rydda og leggja til rette for at mange igjen kan bruka øyane der til gode naturopplevingar.