Dei raude strekane viser kvar vegvesenet planlegg å asfaltera i 2019. I Tysnes kommune er det ingen raude strekar i den nye planen. (Foto: Skjermdump frå Statens vegvesen sitt kart på arcgis.com)
Dei raude strekane viser kvar vegvesenet planlegg å asfaltera i 2019. I Tysnes kommune er det ingen raude strekar i den nye planen. (Foto: Skjermdump frå Statens vegvesen sitt kart på arcgis.com)

Lite asfalt på Tysnes-vegar i 2019

Vegvesenet sin dekkeleggingsplan for 2019 kjem ikkje mange tysnesingar til gode, men det kjem ny asfalt på Fusa/Kvinnherad-sida av Lukksundbrua.
Publisert 04.05.2019 kl. 15.00.

Statens vegvesen har publisert sin plan for asfaltering av riks- og fylkesvegar i 2019, og totalt i Norge skal kring 800 kilometer med riksvegar og 2.200 kilometer med fylkesvegar asfalterast i år. Vegvesenet si oversikt over asfaltering i Hordaland viser likevel at det er ikkje planlagt nyasfaltering på fylkesvegane i Tysnes kommune.

Dekkeleggingsplanen viser at det nærmaste området som skal asfalterast, er eit strekke på fylkesveg 49 i Fusa og Kvinnherad. Strekket, som er drygt tre kilometer langt, startar mellom Lukksund-brua og Stussvikhovdatunnelen, går gjennom tunnelen og vidare ned mot Stussvik.

Også i den nærmaste regionen kring Tysnes er det langt mellom planlagte asfalteringsjobbar på fylkes- og riksvegar. Med unntak av Bømlafjordtunnelen, er det ikkje planlagt asfaltering på vegstrekker i Stord kommune, medan Fitjar får eit lite strekke asfaltert ved Breivik like nord for Fitjar Sentrum.

I Kvinnherad skal eit to kilometer langt strekke mellom Sunde og Åkra asfalterast, samt eit parti mellom Ænes og Sunndal nord i kommunen. Mellom Holmefjord i Fusa kommune og Gaupholm i Samnanger kommune skal vegen planfresast.

Nord for Bjørnafjorden skal mellom anna eit strekke i området kring Kalandseid på vegen mellom Os og Bergen asfalterast, og i Bergen kommune er det fleire mindre strekke som skal få ny asfalt.


Siste saker Gå til framsida

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...