ENTUSIAST: Rebekka Høgstøl drog i gong ny strandryddeaksjon laurdag. Bilete frå ein tidlegare strandryddelaurdag.
ENTUSIAST: Rebekka Høgstøl drog i gong ny strandryddeaksjon laurdag. Bilete frå ein tidlegare strandryddelaurdag.

Gler seg over stor oppslutnad på strandrydding

Nærare 25 personar frå Tveit båtlag, kystlaget og Uren Luren 4H deltok på strandryddinga på Årbakka og omegn laurdag.
Publisert 05.05.2019 kl. 09.35. Oppdatert kl. 09.39.

For tredje året på rad drog strandryddeentusiasten Rebekka Høgestøl i gong ein ny ryddeaksjon laurdag. Kald nordavind var ikkje noko hinder for stor oppslutnad i år også. Der blei det samla boss frå Tveit, Sandsøya og øyane utanfor Tveit i nord, til strendene kring Årbakka og Nedrevåge i sør.

– Det var overraskande godt frammøte. Dette gjekk over all forventning. Folk var flinke, skryter Rebekka.

Men sjølv om ho gler seg over oppslutnaden, er ho skuffa over mengda med boss som blei funne og plukka.

– Dette er tredje året på rad me plukkar i dei same strendene, og framleis er det mykje boss, kommenterer ho.

Nokre kom med båtar og tok for seg både Klungerholmen, Langøya og delar av Sandsøya, medan andre gjekk til fots langs strendene, eller tok båt utpå Vågsneset der det også var svært mykje boss, i år som i fjor.

– Me fekk sikkert samla ein heil SIM-container til saman. Tolv sekker blei køyrt med bilhengar til Eredalen, resten blei fylt i containeren som står på kaien.

Med seg hadde ho medlemer og foreldre frå Uren Luren 4H, i tillegg til Tveit båtlag og kystlaget.

– Det er viktig at folk er med og råddar, då blir folk meir merksame på at boss ikkje skal kastast i naturen, seier ho.

Ho gler seg også over at mange ryddar i nærmiljøet.

– Ein treng berre rydda langs vegen. Der og finn ein boss som blir kasta frå bilar, seier ho.

Ekstra stas synest ho det er at elevar frå ungdomsskulen engasjerer seg og ryddar boss.

– Det er veldig bra at dei unge ser bossproblemet, kommenterer ho.

Aksjonen var påmeldt på Hold Norge Rent og registrert på SIM sine nettsider. SIM har sponsa sekker til aksjoenen og stilt med gratis container på kaien ved Årbakkasjøen.







I BÅT: To båtar ved kommunekaien på Årbakka. I den fremst båten er Leiv og Solbjørg Høgstøl som plukka på Kolungerholmen og Langøya. I den andre båten er det Anne-Cecilie Sandsøy og Catrine Sandsøy Moss som rydda på austsida av Sandsøy. (Foto; Rebekka Høgestøl)
I BÅT: To båtar ved kommunekaien på Årbakka. I den fremst båten er Leiv og Solbjørg Høgstøl som plukka på Kolungerholmen og Langøya. I den andre båten er det Anne-Cecilie Sandsøy og Catrine Sandsøy Moss som rydda på austsida av Sandsøy. (Foto; Rebekka Høgestøl)
VED ÅRBAKKASJØEN: Oddvar og Toril Meland med barnebarna Olai og Engeline Meland plukkar søppel. (Foto: Rebekka Høgestøl)
VED ÅRBAKKASJØEN: Oddvar og Toril Meland med barnebarna Olai og Engeline Meland plukkar søppel. (Foto: Rebekka Høgestøl)
SMÅBOSS: Toril Meland plukker smått; q-tips, armeringsplast, skytetråd, biofilter og andre små plastbitar.(Foto: Rebekka Høgestøl)
SMÅBOSS: Toril Meland plukker smått; q-tips, armeringsplast, skytetråd, biofilter og andre små plastbitar.(Foto: Rebekka Høgestøl)
Glimt frå ryddinga på Årbakka. Avkapp. (Foto: Rebekka Høgestøl)
Glimt frå ryddinga på Årbakka. Avkapp. (Foto: Rebekka Høgestøl)
Tønne på avvegar. (Foto: Rebekka Høgestøl)
Tønne på avvegar. (Foto: Rebekka Høgestøl)
Biofilter. (Foto: Rebekka Høgestøl)
Biofilter. (Foto: Rebekka Høgestøl)

Siste saker Gå til framsida

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...