PASNING: Njardar sitt G12-lag vann 10–2 mot Nore Neset torsdag.
PASNING: Njardar sitt G12-lag vann 10–2 mot Nore Neset torsdag.

Ein storsiger og ein uavgjort

Både G12- og J12-laget var i aksjon på Reiso før helga.
Publisert 06.05.2019 kl. 18.24. Oppdatert 08.05.2019 kl. 08.36.

– Me spelte bra i lag, seier ein nøgd Jonas Siglevik Lunde.

Han har nettopp vore med og sikra storsiger for Gutar 12-laget til Njardar/Tysnes. G12-laget hadde kontroll heile kampen, og vann til slutt 10–2 over Nore Neset.

Torsdag var kunstgraset på Reiso fylt med unge og ivrige fotballspelarar, og entusiastiske publikummarar.


Målrikt

Allereie frå starten av kampen var det tydeleg at Njardar var det beste laget, og Samson Huse sette tidleg inn 1–0 frå spissplass. Gultrøyene fortsette presset, og det tok ikkje lang tid før dei leia 3–0.

Kampen roa seg litt inn mot pause, og bortelaget kom litt meir med i kampen, og fekk også inn ei scoring. Til pause var resultatet 5–1 til Njardar.

Andre omgang fortsette i same spor, og kampen enda 10–2 til heimelaget.


Jamn jentekamp

Samtidig som gutane spelte mot Nore Neset, var Jenter 12-laget i aksjon mot Stord, også det på Reiso. Etter å ha vunnet eit særs spennande oppgjer mot Bremnes 1 i fyrste runde i sesongen, spelte jentene uavgjort mot Bremnes 2 i neste kamp.

Kampen mot Stord torsdag vart like jamn og spennande som dei to føregåande. Bortelaget opna best, og tok leiinga midtvegs i fyrste omgang. Kampen var jamspelt, men Njardar klarte etter kvart å riva til seg eit overtak, og innan dommaren blåste til pause hadde Njardar snudd kampen og leia 2–1, etter mål av Rikke Dalen Hagen og Emma Sofie Nesse Torgersen.

Andreomgangen vart jamspelt, og begge lag hadde store sjansar. Det såg ut til å gå mot heimesiger, men med berre eit par minutt igjen av kampen klarte Stord-jentene å utlikna. Kampen enda 2–2, og Njardar-jentene har dermed to uavgjorte kampar på rad, noko som er sjeldan på det nivået.


Nøgde likevel

Sjølv om jentene mista sigeren i sluttminutta, var spelarane likevel i godt humør etter kampen, og dei var ganske nøgd med uavgjort.

– Det er betre enn å tapa, sa målscorar Emma Sofie Nesse Torgersen etter matchen.

Den som fekk mest skryt av lagkameratane var keeper Stine Erstad. Ho stod ein solid kamp, og stoppa motstandarane ved fleire anledningar.

– Me hadde aldri klart uavgjort utan Stine i mål, sa Anna Gaugstad Birkeland.

– Det er veldig kjekt å stå i mål, men det kan verta litt kjedeleg i blant, sa Stine, som med glimt i auga meinte at utespelarane var for gode, slik at ho sjølv ikkje fekk nok å gjera på i Njardar-målet.


Sonespelarar

På motsett banehalvdel, der gutane spelte sin kamp, har dei fleste gått i garderoben, men Jonas Siglevik Lunde og Jørgen Pettersen står igjen og fortel om sine opplevingar på sonesamling med 13-åringar frå andre klubbar i distriktet.

– Det var gøy å vera med, seier Jonas.

– Det er kjekt å få trena med gode spelarar frå andre klubbar, seier Jørgen.

Dei har både fått trent og spelt mot andre sunnhordlandstalent.

– Me klarte oss greitt mot dei andre, seier Jørgen.








KAMP OM BALLEN: Marcus Laukhamar spelte ein god kamp, men i denne situasjonen var det keeper som gjekk sigrande ut av duellen.
KAMP OM BALLEN: Marcus Laukhamar spelte ein god kamp, men i denne situasjonen var det keeper som gjekk sigrande ut av duellen.
JUBEL: G12 kunne jubla for storsiger mot på Reiso.
JUBEL: G12 kunne jubla for storsiger mot på Reiso.
UAVGJORT: Medan G12 vann, J12 sin kamp mot Stord uavgjort 2–2. Emma Nesse Torgersen scora det eine målet til Njardar.
UAVGJORT: Medan G12 vann, J12 sin kamp mot Stord uavgjort 2–2. Emma Nesse Torgersen scora det eine målet til Njardar.
TRYGG MED HENDA: Keeper Stine Erstad fekk skryt av lagkameratane etter kampen mot Stord.
TRYGG MED HENDA: Keeper Stine Erstad fekk skryt av lagkameratane etter kampen mot Stord.
MED BALLEN: Hans Martin Hansen viste fleire gongar fram sin gode ballteknikk.
MED BALLEN: Hans Martin Hansen viste fleire gongar fram sin gode ballteknikk.
PAUSEPRAT: Trenar Gunnar Hansen kom med gode råd til spelarane sine i pausen mot Nore Neset.
PAUSEPRAT: Trenar Gunnar Hansen kom med gode råd til spelarane sine i pausen mot Nore Neset.
SKOT: Ingrid Belt spelte ein god kamp mot Stord. Her fyrer ho av eit hardt skot som vart blokkert av Stord-forsvarane.
SKOT: Ingrid Belt spelte ein god kamp mot Stord. Her fyrer ho av eit hardt skot som vart blokkert av Stord-forsvarane.
SONESAMLING: Jonas Siglevik Lunde (t.v.) og Jørgen Pettersen har vore med på sonesamlingar med andre talentfulle 13-åringar i Sunnhordland.
SONESAMLING: Jonas Siglevik Lunde (t.v.) og Jørgen Pettersen har vore med på sonesamlingar med andre talentfulle 13-åringar i Sunnhordland.
FYRTE LAUS: Det var tidvis flott vêr på Reiso torsdag.
FYRTE LAUS: Det var tidvis flott vêr på Reiso torsdag.
GOD MOTSTAND: J12-laget møter mange gode Sunnhordlands-lag denne sesongen, og har i dei fyrste tre kampane vist at dei heldt nivået.
GOD MOTSTAND: J12-laget møter mange gode Sunnhordlands-lag denne sesongen, og har i dei fyrste tre kampane vist at dei heldt nivået.
TØRSTESLUKKAR: Adele Flatråker Siglevik og Erle Gaugstad Birkeland fekk oppgåva med å servera kaffi til publikum.
TØRSTESLUKKAR: Adele Flatråker Siglevik og Erle Gaugstad Birkeland fekk oppgåva med å servera kaffi til publikum.

Siste saker Gå til framsida

Ynskjer ekstra omsorgsbemanning

Budsjettforhandlingane er godt i gang, og i formannskapet måndag tok Arne Leite (Sp) og Anne Merete Fjeldstad (Ap) til orde for å sjå på høva for å få fleire stillingar inn i omsorgstenestene.