OPEN FOR ÅLMENTA: Asbjørn Myklestad vil sikra at strandsona er open for alle.
OPEN FOR ÅLMENTA: Asbjørn Myklestad vil sikra at strandsona er open for alle.

– Eg ser ikkje for meg at me skal tillata hyttebygging i strandkanten

Godøysund-området bør framleis vera allment tilgjengeleg, meiner kommunepolitikarane.
Publisert 06.05.2019 kl. 14.01. Oppdatert kl. 15.13.

– Dei skal verkeleg ha honnør, initiativtakarane, for at dei vågar å setta i gang noko slikt, sa Asbjørn Myklestad.

Arbeidarpartirepresentanten var aktiv i debatten rundt planprogrammet for Godøysund, i formannskapet på torsdag.

Myklestad meinte, sjølv om initiativet er bra, at utbyggarane ikkje skal få fullstendig frie tyglar:

– Det står i dokumenta at strandsona har stor verdi. Den har stor verdi for ålmenta òg. Eg ser ikkje for meg at me skal tillata hyttebygging i strandkanten, sa Myklestad.

– Når det kjem til hyttebygging ved sjøen trur eg ikkje det er nokon sin intensjon, verken frå dei som no er i gang med reguleringsplanen eller frå kommunen, å sperra for innbyggarane. Eg trur me er einige i kva verdiar me ønsker å ivareta i området, sa ordførar Kåre Martin Kleppe (H), og la til at han òg såg det allmennnyttige perspektivet.

Anne Merete Fjeldstad (Ap) peikte på at parkering på land-sida, med mest mogleg bilfrie øyer, vil kunna vera med på å gjera området mest mogleg attraktivt.

Formannskapet godkjende planprogrammet, og gav dermed klarsignal om at det kan jobbast vidare med reguleringsplanen. Endeleg reguleringsplan skal godkjennast av kommunestyret.


Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...