SPEKTAKULÆR IDRETT: Øystein Vaage lovar «wow»-faktor under Døds Challenge Tysnesfest. (Foto: Pressefoto)
SPEKTAKULÆR IDRETT: Øystein Vaage lovar «wow»-faktor under Døds Challenge Tysnesfest. (Foto: Pressefoto)

Inviterer til dødsing

Tysnesfest lanserer ny spektakulær aktivitet under festivalen.
Publisert 08.05.2019 kl. 20.01.

– Her får du sjå den absolutte verdseliten gjera krumspring i lufta som ein ikkje skulle tru var mogleg, skriv Øystein Vaage i ei pressemelding.

Under Tysnesfest inviterer han og det internasjonale dødseforbundet til Døds Challenge Tysnesfest i hamna i Våge. Døds er ein avart av stuping, som handlar om å kasta seg ut frå eit stupebrett, ha kroppen vassrett i lufta, og gå inn for landing med eit realt mageplask. Like før ein treff vassflata, skal ein krøkja kroppen saman, og forhåpentlegvis landa i vatnet utan store skadar.Sporten oppstod i Frognerbadet i Oslo, der det kvart år vert arrangert VM i døds frå 10-meteren. Under Tysnesfest er det MS Sunnhordland som vert omgjort til stupebrett, og konkurransen er open for alle som vil delta. I tillegg til pengepremiar får vinnaren delta i VM i august.

Dødse-konkurransen går av stabelen laurdag under Tysnesfest, og er ein erstattar for kassabilløpet, som vert teke av plakaten i år. At dødsinga er sett opp laurdagen, gjer også at «Ta Sjansen»-konkurransen vert flytta til fredagen.Øystein Vaage har stor tru på at dødsinga vil fengja publikum.

– Dødsing er vorte ein svært populær sport som trekkjer mykje publikum, og gjev ein skikkeleg «wow»-effekt, skriv Vaage i pressemeldinga.

LES OGSÅ: Festival i festivalen og gratis marknadsdagar


Siste saker Gå til framsida

Godøysund var draumeplassen for mange

Rita Steckmest Sivertsen (52) vaks opp med somrane på Godøysund og hotellet der då familien eigde det. No har ho, broren Tom og mannen hennar, Nils Petter Sivertsen, kjøpt tilbake Godøysund og vil rydda og leggja til rette for at mange igjen kan bruka øyane der til gode naturopplevingar.