BOSS: Blå skule fann mykje avfall rundt omkring. (Foto: Privat)
BOSS: Blå skule fann mykje avfall rundt omkring. (Foto: Privat)

Brukte veka på strandrydding

Førre veke var ei veke i strandryddinga sitt teikn, også for Blå skule.
Publisert 08.05.2019 kl. 15.11.

– I Blå skule har me brukt heile førre veke på strandrydding, fortel Terje Sløgedal.

Dei brukte både måndag, torsdag og fredag på å rydda.

– Første dagen tok me for oss friluftsområdet på Fluøyane. Me fekk med oss fem-seks bossekkar med boss som me plukka der, fortel læraren.

Dei andre dagane heldt dei seg i Godøysundsområdet, på grunn av store mengder vind.

Den eine dagen blei dei attpåtil angripne av ein hissig svane, som ville ha dei vekk frå området sitt.

Ifølge Sløgedal er elevane ivrige strandryddarar. Sjølv på dei vanlege turane ut til Solstråleøya, hender det at dei stoppar opp for å plukka opp plast som flyt i sjøen.

– Den nye generasjonen er heldigvis meir opptatte av dette, seier Sløgedal.

– Det som ofte går igjen på Fluøyane er sugerøyr, snusboksar, plastkorkar og haglepatroner, fortel han.

Akkurat sugerøyr kan det henda det blir mindre av i åra som kjem; frå 2020 blir nemleg fleire typar eingongsplast forbode i Norge.


Siste saker Gå til framsida

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...