NULL POENG: Njardar/Tysnes har framleis ikkje teke poeng denne sesongen, og står med to tap på to kampar så langt. Her frå kampen mot Eikelandsfjorden i fyrste serierunde. (Arkivfoto)
NULL POENG: Njardar/Tysnes har framleis ikkje teke poeng denne sesongen, og står med to tap på to kampar så langt. Her frå kampen mot Eikelandsfjorden i fyrste serierunde. (Arkivfoto)

Nytt a-lagstap

Publisert 08.05.2019 kl. 11.04. Oppdatert 23.05.2019 kl. 08.03.

A-laget til Njardar/Tysnes har ikkje fått ein optimal start på sesongen. Etter tapet for Eikelandsfjorden på Reiso i fyrste serierunde, reiste tysnesingane til Bergen laurdag for å kjempa om poeng mot Laksevåg.

Med mykje skadeproblem og ein tynn kamptropp fekk Njardar det tøft på Nygårdsmyren idrettsplass, og Laksevåg vann kampen 7–2. Etter to serierundar ligg dermed Njardar-herrane nedst på tabellen med null poeng og -8 i målforskjell. Njardar sine motstandarar til no, Eikelandsfjorden og Laksevåg, er dei einaste laga som står med to sigrar på dei to fyrste kampane.

Medan a-laget slit, går det betre med dei aldersbestemte ungdomslaga. Jenter 15-laget har vunne begge sine kampar denne sesongen. Fyrst 3–2 borte mot Olsvik, før dei slo Gneist 8–1 på heimebane sist onsdag.

Også Gutar 14-laget har opna sesongen bra, med to sigrar mot Bømlo og Trott.

Tysdag spelte Jenter 13-laget sin tredje kamp for året borte mot Follese/Hetlevik. Det enda med tap for Njardar-jentene, som dermed står med ein siger og to tap denne sesongen.

LES OGSÅ: G12-laget og J12-laget var i aksjon på Reiso

redaksjonen@tysnesbladet.no


Siste saker Gå til framsida

Godøysund var draumeplassen for mange

Rita Steckmest Sivertsen (52) vaks opp med somrane på Godøysund og hotellet der då familien eigde det. No har ho, broren Tom og mannen hennar, Nils Petter Sivertsen, kjøpt tilbake Godøysund og vil rydda og leggja til rette for at mange igjen kan bruka øyane der til gode naturopplevingar.