UNG STJERNE: Ho er berre 25 år gammal, men har allereie rekt å bli strøyma fleire hundre millionar gongar. Julie Bergan kjem til Tysnesfest. (Begge foto: Julia Håkansson)
UNG STJERNE: Ho er berre 25 år gammal, men har allereie rekt å bli strøyma fleire hundre millionar gongar. Julie Bergan kjem til Tysnesfest. (Begge foto: Julia Håkansson)

Har blitt strøymd meir enn 500 millionar gongar. No skal ho til Tysnesfest

Publisert 09.05.2019 kl. 20.00. Oppdatert kl. 20.14.

Julie Bergan kjem til Tysnesfest! Dette kjem fram av Tysnesfest si nyaste pressemelding.

Med andre ord kan festivalgjengarane gleda seg til å høyra hits som «Arigato», «All Hours» og «Ignite» på Gjerstad.

Ifølge Tysnesfest, er Bergan ein av dei mest energiske og ettertrakta live-artistane i Norge:

– Med sin livlige personlegdom, kraftfulle vokal og altoppslukande framføringsevne skyt ho publikums forventningar til himmels, og innfrir så til dei grader! skriv dagleg leiar i festivalen, Øystein Vaage, i pressemeldinga.

Bergan har spelt konsertar verda rundt, både som soloartist og som oppvarming for andre; blant anna har ho varma opp for artistar som Justin Bieber og Dua Lipa.

– I 2018 turnerte ho verda over med Alan Walker på internasjonale megafestivalar som Coachella i USA og EDC i Japan, skriv festivalsjef Vaage.

Julie Bergan blir å sjå og høyra på Gjerstad Arena, laurdag 13. juli.


Siste saker Gå til framsida

Godøysund var draumeplassen for mange

Rita Steckmest Sivertsen (52) vaks opp med somrane på Godøysund og hotellet der då familien eigde det. No har ho, broren Tom og mannen hennar, Nils Petter Sivertsen, kjøpt tilbake Godøysund og vil rydda og leggja til rette for at mange igjen kan bruka øyane der til gode naturopplevingar.