VIKTIG DAG: Berit og Oscar Haaland meinte at frigjerings- og veterandagen er ein viktig dag å markera. (Alle foto: Vetle Mikkelsen)
VIKTIG DAG: Berit og Oscar Haaland meinte at frigjerings- og veterandagen er ein viktig dag å markera. (Alle foto: Vetle Mikkelsen)

– Me må ha eit forsvar

Onsdag var det duka for markering av frigjeringsdagen i Våge. På Mandelhuset blei det arrangert veteranlunsj.
Publisert 09.05.2019 kl. 16.01. Oppdatert 10.05.2019 kl. 12.01.

– Eg var i si tid nede i Midt-Austen og Gaza, i 1957-58, sa Oscar Haaland.

Saman med kona Berit Haaland hadde han tatt turen til Mandelhuset onsdag.

Også ordførar Kåre Martin Kleppe (H) og ein representant for kommuneadministrasjonen var til stades på veteranlunsjen.


Viktig dag å markera

– Kvifor er denne markeringa viktig?

– Du ser jo korleis verda er blitt i dag, svarte Berit Haaland.

– Me må ha eit forsvar, la ho til.

Òg blant dei frammøtte var Sæbjørn Humlevik, og kona Marit.

– Denne dagen er viktig av to grunnar. For det første er det 8. mai, frigjeringsdagen. Dernest er det veterandagen. Begge føremåla er historisk enormt viktige, sa Humlevik.

Han meiner det er viktig at dei som har vore ute i tenesta får sjansen til å treffast.

– Når dei kom heim (frå militærtenesta, journ.merk), forstod ikkje dei rundt dei kva dei prata om, for det var så spesielt, sa han.

Humlevik la til at det derfor kan vera nyttig for veteranane å møtast, og snakka om opplevingane sine i militærtenesta.


Frigjerings- og veterandag

8. mai 1945 var dagen då dei tyske militære styrkene kapitulerte, etter fem års okkupasjon av Norge. Frigjeringsdagen blei innført som offisiell flaggdag i 1962.

I 2010 blei det vedtatt at at 8. mai òg skulle vera ein dag for å heidra norske veteranar.


UTILSTREKKELEG FORSVAR: Sæbjørn Humlevik (til høgre) uttrykte misnøye over utviklinga i forsvaret. Til venstre: Marit Humlevik.
UTILSTREKKELEG FORSVAR: Sæbjørn Humlevik (til høgre) uttrykte misnøye over utviklinga i forsvaret. Til venstre: Marit Humlevik.

Siste saker Gå til framsida

Leiar: Bør prioritera fast tilsette i helsevesenet framfor vikarbyrå

Eit godt tilbod frå helsevesenet i Tysnes er grunnleggjande viktig for alle som har rett på og som mottek helsetenester i kommunen vår. Difor er det positivt at leiinga i kommunen med rådmannen i spissen omgåande tek tak i avvik når det skjer.Avvik skal ikkje skje. Det skjer likevel. Behandlinga som Anne Margrethe...

Debatt: Mobildekning

I dagens samfunn er mobiltelefonen blitt vår hovedforbindelse med omverden. Samfunnet legger opp til at vi skal være tilgjengelig store deler av døgnet, uansett hvor vi befinner oss. Arbeidsgivere stiller de samme kravene. Fasttelefonen utraderes og det blir satset på mobilbruk.Fler og fler kvitter seg med fasttelefonen. Svigermor på 86 år bruker kun mobil. Da får vi tak i henne...