PENDLAR: Sigmund Hovland kjem til å merka rutekutta. Endå verre blir det for pendlarar i helsesektoren. (Foto: Vetle Mikkelsen)
PENDLAR: Sigmund Hovland kjem til å merka rutekutta. Endå verre blir det for pendlarar i helsesektoren. (Foto: Vetle Mikkelsen)

– Det burde vore 2.000 underskrifter

Lokale eldsjeler har tatt initiativ til eit opprop mot rutekutt. Ein av dei er Sigmund Hovland.
Publisert 10.05.2019 kl. 12.01.

– Det starta eigentleg med at me fekk nyss i at det var noko i gjære med desse anboda til Norled og Fjord1, seier Sigmund Hovland.

Han er ein av fleire engasjerte tysnesingar, som har starta opp ein underskriftskampanje på opprop.no.


Kraftige reduksjonar

– Tilbodet blir redusert med cirka 60 turar i veka. I snitt er det seks avgangar per dag, held Hovland fram.

Ifølge han vil rutekutta gå kraftig ut over pendlarane, ettersom det er varsla kutt både om morgonen, ettermiddagen og kvelden.

Sjølv bur Hovland ved Hodnaneset, medan han jobbar i Advantec på Stord.

– Dette påverkar meg, gjennom at eg må endra på reiseplanane mine. På morgonen klarer eg meg fint, det er ikkje meg det er verst for, seier han.

– Kona mi jobbar i helsesektoren, det blir vanskeligst for ho. Det blir redusert kapasitet om morgonen, og det at dei rokkerer på ferjene på kveldstid og i helgene, vanskeleggjer turnusen, fortel Hovland.


Handlar ikkje om teknologi

– Me har vore i dialog med Skyss, og med fylkeskommunen, men det er ingen som ser ut til å reagera på dette. Det som det eigentleg har verka som er at dei ønsker seg ein miljøplakat å henga på veggen, og at lokalsamfunnet vårt skal betala for det, seier han.

Ifølge Hovland har rutekutta ingenting med teknologien å gjera:

– Det er berre snakk om spesifikasjonane til Skyss. Om ein samanliknar med elbilar, har dei kjøpt ein bil med dårleg rekkevidde.


Ferjene må halda fram

– Me kan ikkje betala for at nokon skal ha ein miljøplakat på veggen, seier Hovland.

Han trur liknande kutt i sentrale strøk ville skapt sterke reaksjonar.

– Folk må vera obs og gå inn og sjå på dette. Eg oppfordrar veldig til å signera på oppropet, seier han.

I skrivande stund er det under 400 signaturar på kampanjen.

– Det burde vore 2.000 underskrifter, meiner Hovland.


Siste saker Gå til framsida

Leiar: Bør prioritera fast tilsette i helsevesenet framfor vikarbyrå

Eit godt tilbod frå helsevesenet i Tysnes er grunnleggjande viktig for alle som har rett på og som mottek helsetenester i kommunen vår. Difor er det positivt at leiinga i kommunen med rådmannen i spissen omgåande tek tak i avvik når det skjer.Avvik skal ikkje skje. Det skjer likevel. Behandlinga som Anne Margrethe...

Debatt: Mobildekning

I dagens samfunn er mobiltelefonen blitt vår hovedforbindelse med omverden. Samfunnet legger opp til at vi skal være tilgjengelig store deler av døgnet, uansett hvor vi befinner oss. Arbeidsgivere stiller de samme kravene. Fasttelefonen utraderes og det blir satset på mobilbruk.Fler og fler kvitter seg med fasttelefonen. Svigermor på 86 år bruker kun mobil. Da får vi tak i henne...